KORÇË - Një aksident i rëndë ka ndodhur pasditen e kësaj të marte në aksin rrugor Korçë-Pogradec. Ka qenë një automjet tip ''Benz'' me drejtues shtetasin Sotir Nikolla, 63 vjeç që ka përplasur për vdekje dy persona, bashkëshortë, Sajmir Shaholli, 70 vjeç dhe Vjollca Shaholli, 63 vjeçe, banues në fshatin Voskop, Korçë. Aksidenti ka ndodhur në fshatin Pocestë.
Report Tv mëson se këmbësorët po ecnin në anë të rrugës kur u përplasën nga makina. Goditja ka rezultuar fatale për dy bashkëshortët. Edhe pse janë transportuar me urgjencë në drejtim të spitalit të Korçës, burrë e grua kanë humbur jetën si pasojë e plagëve të rënda.
Mbeten të paqarta shkaqet e aksidentit, ndërkohë që policia ka shoqëruar në komisariat drejtuesin e automjetit.
Njoftimi i policisë:
Maliq
Informacion paraprak.
Më datë 04.12.2018, në orën 17:26, jemi njoftuar se në aksin rrugor Korçë-Maliq, në afërsi të fshatit Pocestë, shtetasi S.N, 63 vjeç, duke drejtuar mjetin tip "Benz" ka aksidentuar 2 shtetas, (një burrë dhe një grua) kalimtarë në rrugë, të cilët janë trasportuar në Spitalin e Korçës ku kanë ndërruar jetë.
Drejtuesi i mjetit, ndodhet i shoqëruar në Komisariat për veprime të mëtejshme proceduriale. Grupi hetimor po punon për zbardhjen e rrethanave të ngjarjes.
Komente
Lajme të tjera
-
Korçë/ Makina përplas 80-vjeçaren e më pas largohet! E moshuara dërgohet në spital në gjendje të rëndë
1 Shkurt 2021, 19:39 -
Korçë/ Makina me shpejtësi del nga rruga dhe përfundon përmbysur, shoferi largohet nga vendngjarja (FOTO)
7 Dhjetor 2020, 18:31 -
Korçë, dy makina përplasen brenda qytetit, nuk ka të lënduar
21 Shtator 2020, 16:10
A thua rastesi gjithe keto demek aksudente ne jug?!
Përgjigju