TIRANE-Prokuroria e Krimeve të Rënda ka ankimuar vendimin, që liroi nga burgu ish-kreun e ARRSH, Dashamir Xhika. Para katër ditësh Gjykata e Shkallës së Parë vendosi me një vendim në fshehtësi të lironte Xhikën. Vendimi për ndryshimin e masës së sigurisë, nga burg në arrest shtëpie është marrë në datë 23 korrik.
Report Tv mësoi se në vendim theksohet se ‘Xhika nuk ndodhet në gjendje të mirë shëndetësore, nuk ka rrezik për tu larguar jashtë vendit dhe hetimet kanë përfunduar dhe nuk mund të ndërhyjë në hetime”. Por prokuroria nuk është pajtuar me vendimin duke e ankimuar në apel.
Ish-kreu i Autoritetit Shqiptar të Rrugëve u prangos me akuzën e korrupsionit dhe shpërdorimit të detyrës. Xhika, së bashku me Andi Tomën, ish-Drejtorin e Rrugëve, që u lirua në maj të këtij viti dhe disa zyrtarë të tjerë u arrestuan në datë 2 shkurt për abuzime me fondet e rrugës Elbasan-Gjinar në vlerën e 5 mln eurove.
Por Xhika nuk është i akuzuar vetëm për dosjen e Gjinarit, por edhe për aksin Tiranë-Elbasan, i nisur shumë vite më parë dhe ende i papërfunduar. Ndërtimi i rrugës Tiranë-Elbasan ishte parashikuar të kushtonte 407 milionë dollarë sipas kontratës së qeverisë shqiptare me bankën islamike në vitin 2011. Por, në auditin e Ministrisë së Infrastrukturës në materialin kallëzues theksohet se ka një dëm prej 54 milionë dollarë. Për hetimet për rrugën Tiranë-Elbasan janë marrë në pyetje në prokurori edhe ish-ministrat Haxhinasto dhe Dervishaj.
Komente
Shikoni o njerëz çfar bëhet hajduti i lsi të familjes kriminele buçja like kan paguar për ta nxjer zarin e tyre se kan frik se ju nxjer krimet e i trëmben burgut bur e grua .
PërgjigjuCili gjykates e liroi???!!!le te nderrojne vendet,sa ka marre trupi gjykus???-dhe populli pret te rregullohet drejtesia!!!???
PërgjigjuA nuk e mbante ne krahe te djathte gjithmone kryeministri edhe ishte i kenaqur me punen po tani na doli burre i keqe apo ka frike nga votat se ky zotni i ka 3 deputet me punen e emerin e respektuar edhe ps i ka hyre punes ....