Policia e Tiranës njoftoi se ka arrestuar dhe shoqëruar në Komisariat 12 persona, të cilët rezultojnë të kenë prishur rendin dhe sigurinë gjatë ndeshjes Tirana-Kukësi, që u zhvillua ditën e martë në stadiumin “Selman Stërmasi”.
Sipas njoftimit të saj, personat e arrestuar janë: A. Gj. 18 vjeç, banues në Tiranë; D. B. 37 vjeç, banues në Tiranë; B. K. 18 vjeç, banues në Tiranë; I. K. 18 vjeç, banues në Tiranë; A. V. 31 vjeç, banues në Tiranë; L. P. 20 vjeç, banues në Tiranë; D. D. 18 vjeç, banues në Tiranë; K. Sh. 18 vjeç, banues në Tiranë; H. H. 21 vjeç, banues në Tiranë; O. H. 18 vjeç, banues në Tiranë; K. M. 18 vjeç, banues në Tiranë; L. Zh. 22 vjeç, banues në Tiranë.
Policia njoftoi më tutje se po vazhdon puna për identifikimin, shoqërimin dhe procedimin penal dhe administrativ të personave të tjerë të përfshirë në prishjen e rendit dhe qetësisë në këtë aktivitet sportiv.
Drejtoria Vendore e Policisë Tiranë ka marrë po ashtu masa ndaj subjektit privat “Octapus 1 Security”, i cili ishte kontraktuar nga Klubi Sportiv “Tirana” për garantimin e rendit dhe sigurisë përgjatë gjithë aktivitetit sportiv. Konkretisht, i është vendosur gjobë drejtuesit teknik dhe 5 punonjësve të këtij subjekti privat. Ndërsa ndaj drejtuesve të K.F “Tirana” dhe drejtuesve të stadiumit “Selman Stërmasi” ka filluar procedimi penal për mos përmbushje të detyrimeve “për masat shtesë të Sigurisë Publike”.
Lajme të tjera
-
Stadium dhe Pallat të ri Sporti, Veliaj me arkitektët: Ja si do e zhvillojmë zonën; panaire, tekno-parqe, por dhe një pol i ri i drejtësisë do vendosen te Bulevardi i Ri
19 Janar 2023, 17:06 -
Veliaj tregon dy projektet e radhës: ‘Pallati i Sportit’ dhe stadiumi ‘Selman Stërmasi’ do bëhen si ‘Arena Kombëtare’
23 Gusht 2022, 14:15
