Humbja poshtëruese 0-4 kundër Skocisë në Ligën e Kombeve ka vënë në qendër të shënjestrës trajnerin e Kombëtares Christian Panucci. Pas kritikave të shumta që po merr në vendin tonë, për ish-mbrojtësin e Romës dhe Milanit po flitet edhe në Itali.
Është "ITASportPress.it" që e nis artikullin e saj duke thënë se “Shqipëria e De Biazit është një kujtim i largët”. Më tej, ajo evidonton faktin se Panucci është në prag shkarkimi.
Artikulli i "ITASportPress.it" për Christian Panuccin
“Aventura e ish-lojtarit të Romës te Shqipëria ka fiiluar në mënyrën më të mirë në shtator të një vitit më parë me fitoren 2 me 0 ndaj Lihteshtajnit, në një ndeshje të vlefshme për kualifkueset e Rusi 2018. Që atëherë e deri më sot Shqipëria ka vetëm dy ndeshje fitore (një miqësore me Turqinë 3-2 dhe 1-0 ndaj Izraelit për Ligën e Kombeve dy barazime dhe plot 8 humbje. Në katër ndeshjet e fundit skuadra e Panuçit nuk ka gjetur rrugën e rrjetës, ndërkohë që ka pranuar 8 gola. Shkurtimisht, numrat “gozhdojnë” italianin që nuk ka lënë një gjurmë të mirë përtej Adriatikut” - shkruhet në artikullin e medias italiane.
