Meta uron besimtarët ortodoksë: Mbarësi dhe shëndet

Me rastin e Pashkëve Ortodokse, kreu i shtetit Ilir Meta, ka uruar mbarësi dhe shëndet në familjet e të gjithë shqiptarëve. Presidenti Meta në këtë Ditë të Shenjtë ka theksuar se vëmendja duhet të shkojë te njerëzit në nevojë, për përkrahje dhe në forcimin e familjes dhe vlerave të saj.
Ilir Meta vizitoi Qendrën Sinodike të Katedrales Ortodokse “Ringjallja e Krishtit” ku u prit nga Fortlumturia e Tij, Kryepeshkop Anastasi.

Iu uroj nga zemra besimtarëve ortodoksë dhe mbarë popullit shqiptar: ‘Gëzuar dhe përshumëvjet Pashkët’! Mbarësi e shëndet në familjet tuaja!
Dita e Ringjalljes së Krishtit na ndihmoftë të gjithëve për të ringjallur shpresat te jeta më e mirë dhe për të tejkaluar sfidat me besim, dashuri e në harmoni të plotë.

Në këtë Ditë të Shenjtë vëmendja jonë duhet të shkojë te njerëzit në nevojë, për më shumë kujdes e përkrahje, por edhe te forcimi i familjes dhe vlerave të saj.

LEXO EDHE:
'Të ishte sulm ndaj meje nuk do kisha reaguar', Rama për Report Tv: Kur sulmohet Shqipëria, e pamundur të mos reagoj

Kjo Ditë e Shenjtë na kujton nevojën për më shumë mirëkuptim, dialog, respektim të vlerave morale e forcim të bashkëjetesës së mrekullueshme fetare, të cilat na ndihmojnë të përballemi me çdo sakrificë për të ecur të sigurtë drejt së ardhmes.
Gëzuar Festën e Pashkëve! Zoti ju bekoftë Ju, familjet tuaja, Shqipërinë dhe kombin shqiptar!

Presidenti Ilir Meta

(Postimi i Ilir Metës në Facebook)

Ilir Meta vizitoi Qendrën Sinodike të Katedrales Ortodokse “Ringjallja e Krishtit” ku u prit nga Fortlumturia e Tij, Kryepeshkop Anastasi.

Presidenti Meta i përcolli personalisht Fortlumturisë Tij, Kryepiskopit Anastas urimet e përzemërta dhe më të mira për gjithë besimtarët e krishterë me rastin e Festës së shenjtë të Pashkëve ortodokse.

Pas vizitës Presidenti Meta u shpreh për median:

Në këtë ditë mjaft të rëndësishme të këtij mesazhi të jashtëzakonshëm në emër të dashurisë për jetën, për njerëzit, të ngjalljes së Krishtit, të besimit se e mira gjithmonë do të triumfojë, u uroj të gjithëve mbarësi, u uroj të gjithë mirësi, u uroj më shumë dashuri midis shqiptarëve dhe jam besimplotë se duke e shpërndarë këtë mesazh, se nuk ka gjë më të rëndësishme në botë se sa dashuria, sa dashuria për jetën, sa dashuria për njerëzit, jam i sigurt se të gjithë do të marrim forcën e duhur për të përballuar sfidat dhe vështirësitë në një mënyrë edhe më optimiste, edhe më të bashkuar.

Presidenti Ilir Meta

Sondazhi i ditës:

A ka politika frikë nga SPAK-u?

• Po

  68.2%

• Jo

  27.7%

• Nuk e di

  4.1%

Vota total: 1321

• Sondazhi i ditës:

  A ka politika frikë nga SPAK-u?

  Po Jo Nuk e di