X

POP 5

Lajmet më të lexuara të 5 minutave të fundit

Kosova & Rajoni

"Nuk mund ta besoja", Parisi i kërkon falje Vuçiçit: Ishte një gabim fatkeq

Presidenti i Serbisë, Aleksandër Vuçiç është ndjerë i ofenduar nga mënyra sesi është trajtuar në ceremoninë e 100 vjetorit të përfundimit të Luftës së Parë Botërore në Paris, e mërinë e tij e ka treguar edhe për mediat serbe. Një ditë më pas, ambasadori francez në Beograd, Frederic Mondoloni i ka kërkuar falje, duke e cilësuar situatën e krijuar si një gabim fatkeq. 

Ceremonia e 100 vjetorit të përfundimit të Luftës së Parë Botërore në Paris

Ambasadori francez në Beograd, Frederic Mondoloni, i ka kërkuar ndjesë presidentit të Serbisë, Aleksandër Vuçiç , pasi ky i fundit është shprehur i zemëruar për mënyrën sesi është trajtuar në ceremoninë e 100 vjetorit të përfundimit të Luftës së Parë Botërore në Paris.

“Nuk mund të besoja se çfarë po shihja para meje, duke e ditur sakrificën e popullit serb në Luftën e Parë Botërore”, është cituar të ketë thënë Vuçiç për mediat serbe ndaj mënyrës sesi ishte përcaktuar të ulej në ceremoninë e Parisit.

Mondoloni ka thënë për “Prva TV” se përcaktimi i ulëseve në ceremoninë e Parisit ka qenë “një gabim fatkeq” dhe i ka kërkuar Vuçiçit ashtu si edhe popullit serb të pranojnë faljen.

Më pas, Vuçiç e ka falenderuar ambasadorin francez për “fjalët e mrekullueshme dhe respektin që ka treguar për viktimat serbe”, përmes një postimi në rrjetin social “Twitter”.

Në ceremoninë e 11 nëntorit, presidenti i Kosovës, Hashim Thaçi ndryshe nga Vuçiç ka qenë i ulur afër liderëve të Francës, Gjermanisë,Rusisë dhe Shteteve të Bashkuara të Amerikës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta jep porositë e fundit para Konventës: Të gjithë si Tedi Blushi! Ashtu bëhet opozitë

Meta jep porositë e fundit para Konventës: Të gjithë si Tedi Blushi! Ashtu bëhet opozitë

26 Prill, 20:59