Pritë furgonit në Vlorë sapo erdhi nga Italia, maskat grabisin 10 mijë euro, kapen dy nga autorët (VIDEO+Detaje)

VLORE-Katër persona të armatosur dhe të maskuar kanë grabitur një furgon në orët e para të ditës së sotme në qytetin bregdetar. Ngjarja ka ndodhur pranë stadiumit rreth orës 09:00 minuta.

Sipas burimeve të Report Tv autorët u kanë marrë pasagjerëve rreth 10 mijë euro. Furgoni i përkiste një agjencie që bënte linjën Firence-Vlorë nëpërmjet tragetit, ndërsa shoferi i tij është Dëfrim Balili.

LEXO EDHE:
Vlorë, lëvizte me armë me vete, arrestohet 34-vjeçari

Furgoni qe u grabit ne Vlore

Personat e grabitur sapo kishin mbërritur në Vlorë nga Italia. Shoferi sapo kishte parkuar pranë stadiumit, furgoni ka rënë pre e grabitjes. Autorët kanë vepruar me shpejtësi. Report Tv siguron pamjet e furgonit që u grabit.

Ndërkohë që policia është vendosur në ndjekje, duke arrestuar dy nga autorët rreth një orë pas ngjarjes, ndërsa ka sekuestruar dy armë kallashnikov dhe makinën me të cilën u larguan. Ata u arrestuan në fshatin Panaja, ndërsa në këtë zonë po kërkohen edhe dy personat e tjerë. Report Tv sjell pamjet nga zona ku po vijon operacioni i kërkimit për të kapur dy personat e tjerë.

Autorët e kanë bërë grabitjen me një makinë tip Benz, ndërsa te nënkalimi në Panaja kanë ndërruar makina duke u larguar me një Audi, të cilin sërish e kanë braktisur. Policia ka nisur hetimet për të zbardhur ngjarjen duke marrë në pyetje shoferin e furgonit dhe pasagjerët. Dyshimet e para janë se autorët ishin njohës të mirë të linjës, që bëhej 2-3 herë në javë ose kishte informacion të brendshëm.

Dy makinat që përdorën autorët e grabitjes

TAG:
• grabitje
• Vlore
• Dëfrim Balili

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.6%

• Jo

  71.9%

• Nuk e di

  8.5%

Vota total: 3282

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di