POP 5

Lajmet më të lexuara të 5 minutave të fundit

Politikë

"Zgjedhorja", Shoqëria Civile kërkesë komisionit: Dhurimet për partitë vetëm përmes bankës

Komisioni për Reformën Zgjedhore zhvilloi këtë të premte seanca dëgjimore me organizata të shoqërisë civile që operojnë në fushën e zgjedhjeve.

Komisioni i Reformës Zgjedhore

Komisioni për Reformën Zgjedhore zhvilloi këtë të premte seanca dëgjimore me organizata të shoqërisë civile që operojnë në fushën ezgjedhjeve. 

Deputetët e Komisionit të Posacëm dëgjuan 12 propozime të Open Data Albania, prezantuar nga Aranita Brahaj. 
Në kulmin e diskutimeve për financime e lobime, Brahaj kërkoi që të ndryshojnë rregullat ligjorë për donacionet. 

"Dhurimet të bëhen vetëm përmes llogarive bankare. fushata të mëhershme sikurse edhe kjo e fundit, dhurimet në cash janë deri në 50% të totalit të fondeve jo publike të siguruara për fushatën.

Duhet informim në kohë reale mbi donacionet monetare të fushatës, edhe përpara datës së votimit.  Duhet rregullim më efikas i rasteve të parashikuara si konflikt interesi për donatorët.

Përveç parashikimit për kontrata dhe fonde publike të parashikohej si konflikt interesi edhe rasti i përfitimeve nga programe të subvencionit publik; kreditimit të garantuar me fonde publike; përfitues në privatizime të aseteve publike; përfitues nga legalizime; përfitues nga programe publike në dobi të biznesit".

Aranita  Brahaj

Gjatë seancës së pyetje-përgjigjeve me deputetët, Brahaj tha se në zgjedhjet lokale, raportimi duhet të jetë individual për zonën zgjedhore. 

"Të konsiderohet mundësia për raportim financiar edhe sipas degëve të partive politike në rastin e zgjedhjeve të përgjithshme dhe sipas shtabeve të kandidatëve për kryebashkiak, në rastin e zgjedhjeve lokale.

Ligji do të duhet të kërkojë raportim të saktë të shpenzimeve dhe kontraktorëve në raste kur ato janë subjekte të huaja.

Në secilin nga këto raste të kërkohet raportim me një format të veçantë të identitetit të kontraktonit; përkatësia e të drejtës tregtare që rregullon ekzistencën e këtij kontraktori; të dhëna financiare të kontratës dhe të dhëna objekti i kontratës". 

Aranita  Brahaj

Në përfundim të prezantimit, bashkëkryetarët e komisionit,  Bledi Çuçi dhe Oerd Bylykbashi kërkuan nga përfaqësuesit e organizatave që rekomandimet e tyre ti paraqesin pranë sekretarisë së komisionit në mënyrë që të shqyrtohen në mbledhjet e radhës. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi