Gjykata Themelore e Prishtinës ka lenë në burg për një afat 30 ditor tre të arrestuarit si të përfshirë në vrasjen e politikanit serb Oliver Ivanoviç. Gjykata vendosi që të liheshin në burg, pasi u arrestuan të premten në Veriun e Mitrovicës gjatë një aksioni në mëngjes, raportojnë mediet kosovare.
Oliver Ivanoviç, udhëheqës i nismës qytetare "Liri, Demokraci, Drejtësi", Oliver Ivanoviç, u vra me armë zjarri më 16 janar të këtij viti në veriun e Mitrovicës.
3 të arrestuarit për vrasjen e tij janë serbë, ndërsa dy prej tyre bëjnë pjesë në Policinë e Kosovës. Ata dyshohet se kanë ndihmuar në vrasjen e liderit serbë. Aksioni i policisë për kapjen e tyre, hapi reagime të shumta, pas tensioneve të larta për vendosjen e një takes 100% për mallrat që hynin nga Serbia në Kosovë. Kosova dhe Serbia, janë në një process bisedimsh që ende nuk është finalizuar në një marrëveshje, që do t’i hapte rrugë integrimit të dy vendeve në BE.
