E rrudhur nga emigrimi i të rinëve mes puseve të naftës të përhapura ngado edhe pranë lulishteve dhe shkëlqimit të dikurshëm të bazës ajrorë ushtarake, Kuçova ecën paralelisht me ritualet e një jetese të përditshme. Pak ditë më parë NATO, Aleanca Ushtarake e Atlantikut të Veriut, vendosi të ndërtojë në Kuçovë një bazë mbështetëse.

Ky lajm u bë publik nga kryeministri Edi Rama, ndrësa mes skeptikëve, kritikëve e dyshuesve, të parët që vlerësojnë lajmin dhe shpresojnë të nisë puna një orë e më parë janë banorët e Kuçovës. Report Tv është ndalur në Kuçovë një ndër 61 bashkitë e vendit qytet i ndodhur në Shqipërinë e mesme ku sot shpresohet se baza do t'i rikthejë qytetit gjallërinë dhe standartin ekonomik të dikurshëm.