Kosova & Rajoni

Presidenti i Serbisë, Aleksandar Vuçiç, tha se Beogradi ka protestuar te fuqitë perëndimore, pasi Qeveria në detyrë e Kosovës ka vendosur gurë themelet për ndërtimin e dy urave të reja mbi lumin Ibër.

Presidentja e Kosovës, nisi sot takimet me krerët e partive më të mëdha politike për të gjetur një zgjidhje për krizën politike që ka shkaktuar ngërçi në parlament. Albin Kurti pas takimit me kryetaren e shtetit, tha se do të bëhet çmos që kuvendi të konstituohet. Gjykata kushtetuese në një aktgjykim të para 6 ditëve, urdhëroi në mënyrë të paqartë konstiutimin brenda 30 ditëve.

Studentët dhe qytetarë që iu bashkuan atyre vijuan edhe gjatë natës bllokimin e rrugëve në qytetet kryesore të vendit. Ata mbajtën 16 minuta heshtje në stacionin hekurudhor në Novi Sad ku ndodhi tragjedia, që shkaktoi edhe valën e protestave.

Një vajzë 14-vjeçare shqiptare humbi jetën pas rënies nga një urë 10 metra e lartë në Katerini, Greqi. Autoritetet po hetojnë ngjarjen, duke përjashtuar mundësinë e një akti kriminal.

Adri Nurellari akuzon Albin Kurtin për shkelje të Kushtetutës dhe ligjit që vetë ka hartuar, duke mbajtur njëkohësisht dy poste të papajtueshme. Ai e cilëson qasjen e Kurtit si autoritare dhe përgjegjëse për bllokimin e institucioneve në Kosovë.

Qendra e Menaxhimit Kufitar të Kosovës ka njoftuar se rruga që të çon në pikën kufitare në Merdare nga Serbia është rihapur, pasi u bllokua nga qytetarët serb. Autoritetet udhëzuan që pika kufitare të evitohej.

Në Shkup, gjatë një deklarate për mediat, Kryeministri Edi Rama pati një shkëmbim batutash me një gazetare nga Kosova, e cila u ul në gjunjë për shkak të hapësirës. Rama i sugjeroi me humor riedukim për kolegët e saj, ndërsa ajo iu përgjigj se 'fuqia është te zëri, jo te gjatësia'.

Për ish-diplomatin Lutfi Bilalli, pas ngërçit politikë në Kosovë, mund të kemi edhe arritjen e një marrëveshje mes palëve. Ai tha se Gjykata Kushtetuese nuk ka sqaruar se çfarë do të ndodh pas mbarimit 30 ditorë të afatit që ka vendosur.

Disa nga personat që Prokuroria Speciale e Kosovës i akuzoi për sulmin në Banjskë të Zveçanit - ose së paku një prej tyre - dhe që kërkohen nga autoritetet kosovare, u panë në një protestë të rrethuar nga policia në qendër të Beogradit.

Në Kosovë, kriza politike vijon të thellohet çdo dy ditë. Këtë të martë dështoi një tjetër tentativë për konstituimin e parlamentit në Prishtinë, e cila përbënte seancën e 40 ku deputetët e dalë nga zgjedhjet e 9 shkurtit nuk formalizojnë dot institucionin kryesor legjislativ.

Policia greke ka goditur një organizatë kriminale e cila importonte ilegalisht në Greqi sasi të mëdha municionesh nga Shqipëria. Në pranga ranë pesë persona, katër prej tyre anëtarë të grupit kriminal - mes tyre edhe një shqiptar.

I ndodhur në Shkup për samitin BE-Ballkani Perëndimor, kryeministri Edi Rama është takuar edhe me Ali Ahmetin. Kreu i BDI thotë se takimi ishte i sinqertë, me thellësi politike vëllazërore, në funksion të barazisë dhe perspektivës europiane.

Në Shkup u zhvillua ditë e dytë e samitit të Ballkanit Perëndimor me BE për planin e rritjes. Komisionerja për Zgjerimin Marta Kos tha se vendet duhet tu përmbahen me përpikmëri reformave që të përfitojnë brenda dy viteve të ardhshme nga paketa 6 miliardë euro. Kryeministri Edi Rama thotë se Shqipëria ka përmbushur të gjitha kërkesat për zbatimin e këtij plani financimi, nga i cili Shqipëria kërkon të marrë rreth 1 miliardë euro.