Politikë

Punimet e Kongresit të Partisë Socialiste, Kryeministri Rama i shfrytëzoi për ndryshime të rëndësishme në Kuvend dhe qeveri. Rama njoftoi se Elisa Spiropali do të zëvendësojë Nikollën në krye të Kuvendit. Balla ikën si ministër i Brendshëm dhe bëhet ministër shtetit për parlamentin. Niko Peleshi largohet nga Mbrojtja dhe bëhet kryetar i grupit socialist në Kuvend. Ervin Goxhaj, Petrit Malaj dhe Pirro Vengu janë ministrat e rinj.

Shqiptarja.com pyeti lexuesit nëse janë dakord me këto ndryshime që janë miratuar për Kodin Zgjedhor, me listat e deputetëve të hapura në 2/3 dhe 1/3 e mbyllur.

Një ditë pasi Kuvendi miratoi me 106 vota pro ndryshimet në Kodin Zgjedhor, Komisioni i Ligjeve i është drejtuar Presidentit Bajram Begaj me një kërkesë për autorizim paraprak që ndryshimet të futen në fuqi menjëherë.

Një ditë pas miratimit në Kuvend Kodit të ri Zgjedhor, deputeti opozitar, Enkelejd Alibeaj i kërkon presidentit Bajram Begaj mosdekretimin e këtyre ndryshimeve.

Kreu i Partisë së Lirisë Ilir Meta, ka nisur ditën e sotme fushatën nga Kamza, aty ku sic deklaroi vetë do të kandidojë si deputet në zgjedhjet e ardhshme.

Kreu i Grupit Parlamentar të PD-së, Gazment Bardhi, ka komentuar votimin e djeshëm në Kuvend për reformën Zgjedhore, për të cilën tha se nuk ishte për Reformën Zgjedhore, por vetëm zbatim i vendimeve të Gjykatës Kushtetuese.

Sali Berisha është përballur me 'lumë' kritikash nga vetë fansat e tij pas marrëveshjes me PS për mbylljen e listave. Në Facebook, fansat kanë vërshuar kundër tij duke i thënë se është një pazarxhi që i shiti demokratët te Rama. Në përpjekje për t’u justifikuar për këtë pakt, Berisha e pranon se nuk ka deputetë të popullit, por vetëm të partisë.

Duke komentuar votimin e Kuvendit për Kodin e Ri Zgjedhor, juristi Kreshnik Spahiu në një intervistë për Report Tv, u shpreh se qeveria dhe opozita do të krijojnë një ngjarje në mënyrë që kjo marrëveshje të harrohet.

Juristi Kreshnik Spahiu thotë Partia Demokratike është bërë pengesa kryesore për rrëzimin e qeverisë. Në një intervistë për Report Tv, juristi u shpreh se për të mbajtur monopolin opozita PD po shkatërron partitë e vogla.

Juristi Kreshnik Spahiu e ka cilësuar si teatër komik votimin e një dite më parë në Kuvend të ndryshimeve në Kodin Zgjedhor. Sipas Spahiut, Rama ka marrë peng Berishën dhe e përdor si gogol për të trembur amerikanët.

Deputetët miratuan në seancën e fundit plenare me 106 vota pro ndryshimet në Kodin Zgjedhor që mbyll listat në 1/3 e saj. Votë kundër dhanë deputetët Alibeaj dhe Sula ndërsa të shumtë qenë ligjvënësit opozitarë që nuk morën pjesë në votim, mes të cilëve krerët e partive të vogla. Votimit i parapriu një debat i ashpër mes deputetëve të cilët kritikuan ndryshimet që sipas tyre, do të çojnë në Kuvend vetëm të preferuarit e kryetarëve

Në Himarë ka nisur sot zyrtarisht fushata elektorale për kreun e bashkisë. Fushata elektorale do të zgjasë vetëm një javë, duke u bërë kështu një nga fushatat më të shkurtra të zhvilluara ndonjëherë në vendin tonë

Socialistët mbledhin nesër Kongresin e Partisë me fokus mirëqeverisjen, anti-korrupsionin dhe rienergjizimin e selisë rozë. Pesha kryesore do të jetë fjalimi i Kryeministrit Edi Rama ndërsa sipas fushës së përgjegjësisë fjalën e tyre do të mbajnë edhe ministrat. Kongresi do të votojë edhe Asamblenë e re

Kreu i Demokratëve Euroatlantikë, Lulzim Basha, ka vijuar akuzat edhe gjatë ditës së sotme për pazar Rama -Berisha.

Lindita Nikolla nuk do të jetë më kryetare e Kuvendit. Ka qenë vetë Nikolla e cila përmes një deklarate të shkurtër në seancën plenare të fundit të këtij sesioni tha se për arsye shëndetësore largohet pas 3 vitesh drejtim të Kuvendit të Shqipërisë, ndërsa apeloi që kjo dorëheqje të mos interpretohej politikisht

Anëtari i kryesisë së Partisë së Lirisë, me një postim të pazakontë, u bën thirrje qytetarëve të thyejnë sportele e të rrahin efektivët policorë të cilët sipas tij mbrojnë hajdutët. Por nuk mjaftohet me kaq, Gjokutaj, shkon me tej duke u kërkuar shqiptarëve, të vrasin patronazhistët. Policia procedon penalisht Gjokutajn për veprën penale “Thirrjet publike për veprime të dhunshme“

Shqipëria do të prodhojë dhe shesë armë. Duke nisur nga ish-uzina e Poliçanit apo ajo e Mjekësit në Elbasan, pajisjeve ushtarake do t’u shkundet pluhuri i harresës. Ligji i miratua në seancën e fundit plenare me 76 vota pro, 18 kundër, 1 abstenim, vota e Fatmir Mediut. 43 deputetë të pranishëm nuk votuan.