Pritet një ndeshje e zjarrtë pasi barazimi me gola kalon Sevillan ndërsa për United vlen vetëm fitorja. Mourinho në konferencë ka deklaruar : Do të jetë një ndeshje shumë e vështirë dhe rezultati i ndeshjes së parë lë gjithçka të hapur .Ne nuk jemi një nga skuadrat më të mira të Champions por nëse kalojmë Sevilla-n mund të mendojmë edhe për finalen” e mbyll trajneri portugez.
Në kampin e spanjollëve të Sevillas trajneri Vincenzo Montella e di që do të jetë e vështirë të kalosh më tej pasi thotë se Mourinho nuk është mësuar të humbasë dhe shpreson në një barazim me gola:” Është një ndeshje e komplikuar dhe United është një ekip i madh,detajet do të bëjnë diferencën”, e mbyll Montella.
Në “Olimpico” Roma pret Shakhtar Donetsk ku është e detyruar të përmbysë humbjen e ndeshjes së parë 2-1. Verdhekuqtë po kalojnë një moment të mirë dhe trajneri Eusebio Di Francesco kërkon çerekfinalet:” Është një ndeshje ku do të sulmojmë pasi duam të shkojmë në çerekfinale. Kjo është shumë e rëndësishme për mua ,për lojtarët dhe ambientin” e mbyll Di Francesco. Të dyja ndeshjet luhen në orën 20:45.
d.c./shqiptarja.com