VIDEO
Florenc Çapja rezulton i skeduar nga policia për një sërë ngjarjesh kriminale përfshi dhe atë të ekzekutimit të Gentian Beqirajt në 2012 dhe atentatin ndaj Fadil Memës në 2006 dhe vrasjen e tij në mars 2015 në Torino në Itali.
Për këtë vrasje djali i oficerit të policit Fadil Mema dhe Elton Mema në një intervistë për mediat italiane e lidhte vrasjen e babait të tij me ekzekutimet mafioze për të cilat akuzoheshin familja Çapja në Elbasan.
Në 2012 Florenc Çapja është prangosur nga policia e Elbasanit si i dyshuar për vrasjen e Beqirajt por drejtësia asnjëherë se provoi përfshirjen e tij krim.
Paçka se një prej efektivëve që ruante banesën e Beqirit deklaroi se e kish parë Florencin tek zbriste nga kati i 5-të i këtij pallati ku u ekzekutua Beqiri.
Por si u prangos dhe u dyshua Florenci për krimin e 2012?
Nga hetimet dhe vendimet gjyqësore të atyre viteve rezulton se gjithçka lidhej me vrasjen e Sokol Capes në vitin 2005 xhaxhait të Florenc Çapes.
Për këtë krim u akuzuan Ardian Meta i njohur si Gentian Beqiri, Dritan Sheme shok të Armando Hasanit dhe ky i fundit kunati i i Fadil Memës asokohe oficer i policisë rrugore në Elbasan.
Zanafillë e këtij krimi të ndodhur në lokal Aquario në Elbasan dyshohet se ka qenë një përplasje e biznesmenit Sokol Capja që shihni në këtë foto dhe ish policit rrugor Mema pasi Fadil Mema dyshonte se Sokoli ishte përfshirë ne vrasjen e vëllait të tij në vitin e mbrapsht 1997.
Florenci u prangos së bashku me Arben Jacen, ndërsa ky i fundit u la në burg Florenci arriti të dalë pasi gjykata i ndryshoi masën e sigurisë nga arrest me burg në detyrim paraqitje.
Përplasja 11-vjeçare mes këtyre dy fiseve me atentatin e mbrëmshëm ka sjellë për pasojë 10 të vdekur dhe mbi 25 atentate përshi Shqipërinë, Italinë, Belgjikën dhe Holandën.
Por duke mos zbardhur asnjëherë këto krime vendimet gjyqësore në Gjykatën e Elbasanit dhe atë të apelit në Durrës kanë lanë të lirë Florecnin dhe pa autor atentatet ndaj ish policit Mema i cili po ashtu në vitin 2005 u fut në politikë duke kandiduar si deputet.
Ndalur tek pista e trafikut të drogës blutë e Elbasanit thanë për ReportTv se ajo lidhet me personat që mbrëmjen e djeshme ndodheshin në shoqërinë e Florenc Çapes mes tyre Eno Bedallit i arrestuar më parë dhe në Itali për trafik kokaine dhe Ardit Sinakollit shok me Florenc e Arnold Capen.
Eno Bedalli njihet si mik i familjes Capja dhe lidhjet e tij me Agron Capen i cili njëherazi është dhe babai Arnold Capes i mbetur i plagosur mbrëmjen e djeshme.
Sëbashku me Florenc Capen mbrëmjen e djeshme i plagosur ka mbetur dhe babai i tij Fejzulla Capja si dhe Ardian Zharri, Bujar Rreshka, Erdis Sulku, Ferit Muca e Luan Muca.
Redaksia Online
(Gre.M/Shqiptarja.com)
