1 kg kokainë në çantë 'Gucci', arrestohen 4 persona në Tiranë, njiheshin si trafikantë droge (VIDEO)

TIRANE - Katër persona janë arrestuar në Tiranë në kuadër të një operacioni antidrogë të koduar “FLEX”, ndërsa iu është sekuestruar 1 kg kokainë brenda një çante 'Gucci'. Policia njofton se dispononte informacion se në bashkëpunim me njëri-tjetrin, Julian Zela 36 vjeç, Sajmir Hoxha 44 vjeç, Besnik Mansaku 43 vjeç dhe Rezart Hoxholli 36 vjeç, të katër banues në Tiranë, merreshin me aktivitetin e kundraligjshëm të shitjes së lëndës narkotike të llojit “kokainë”.

Ata janë konstatuar nga shërbimet e policisë në rrugën “Janko Theodhosi” dhe gjatë kontrollit të ushtruar ndaj Julian Zelës, i është gjetur brenda një çante dore një qese me lëndë të dyshuar narkotike të llojit “kokainë”. Pas peshimit rezultoi se brenda çantës së dorës ndodhej 1 kg kokainë. 

Lënda narkotike kokainë dhe çanta 'Gucci' ku u gjet e fshehur

Gjithashtu janë ushtruar kontrolle në banesat e këtyre shtetasve ku janë sekuestruar një palë pranga, një mjet prerës si dhe katër aparate telefonike celularë.

Njoftimi i policisë:

Tiranë

Operacion antidrogë i koduar “FLEX”.

Operacioni nga Seksioni për Hetimin e Narkotikëve në bashkëpunim me Seksionin e Forcës së Posaçme të Operacioneve Speciale dhe Prokurorinë e Rrethit Gjyqësor Tiranë.

Arrestohen në flagrancë katër shtetas.

Sekuestrohet lëndë narkotike e llojit “kokainë”, mjet prerës, automjete e aparate celular.

Seksioni për Hetimin e Narkotikëve në bashkëpunim me Seksionin e Forcës së Posaçme të Operacioneve Speciale dhe Prokurorinë e Rrethit Gjyqësor Tiranë, në kuadër të operacionit policor të koduar “FLEX”, arrestuan në flagrancë shtetasit:

- J. Z., 36 vjeç, banues në Tiranë.
- S. H., 44 vjeç, banues në Tiranë.
- B. M., 43 vjeç, banues në Tiranë.
- R. H., 36 vjeç, banues në Tiranë.

Për këta shtetas disponohej informacion se në bashkëpunim me njëri-tjetrin merreshin me aktivitetin e kundraligjshëm të shitjes së lëndës narkotike të llojit “kokainë”. Këta shtetas janë konstatuar nga shërbimet e policisë në rrugën “Janko Theodhosi” dhe gjatë kontrollit të ushtruar, shtetasit J. Z., i është gjetur brenda një çante dore një qese me lëndë të dyshuar narkotike të llojit “kokainë”. Gjithashtu janë ushtruar kontrolle në banesat e këtyre shtetasve ku janë sekuestruar një palë pranga dhe një mjet prerës.

Është sekuestruar në total (nga kontrolli fizik dhe kontrolli i ushtruar në banesat e këtyre shtetasve):

- 1 kg lëndë narkotike e dyshuar e llojit “kokainë”
- mjet prerës (thikë)
- 4 aparate celular
- pranga

Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Prodhimi dhe shitja e lëndëve narkotike e kryer në bashkëpunim”, “Prodhimi dhe mbajtja pa leje e armëve të ftohta” dhe “Mbajtja pa të drejtë e uniformës”, parashikuar nga nenet 283/2, 279 dhe 247 të Kodit Penal.

/Shqiptarja.com