POP 5

Lajmet më të lexuara të 5 minutave të fundit

Bota

1 Maji/ Protesta të shumta në të gjithë botën për Ditën Ndërkombëtare të Punës, qindra të arrestuar në Turqi dhe Itali

1 Maji në të gjithë botën njihet si dita e punëtorëve dhe në disa vende njihet si festë zyrtare për të inkurajuar punonjësit në kërkimin e të drejtave të tyre, me gjenezën që shkon deri në shekullin e 19 në Australi dhe më pas në SHBA.

” 8 orë punë, 8 orë aktivitete dhe 8 orë gjumë”, është kjo motoja e parë publike re paraqitur në 1885 për të shënuar fillesat e ditës së punëtorëve në të gjithë botën. Ky manifestim lindi nga lufta e punëtorëve për të kërkuar dhe siguruar të drejtat, liritë dhe kushtet e nevojshme të punës si respektimi i orareve, paga mesatare të garantuara dhe pajisje mbrojtëse në vendin e punës.

Edhe pse zakonisht kjo ditë është pritur me protesta masive, këtë vit për shkak të pandemisë ato kanë qenë të kufizuara.

Në Itali, në qytetin e Torino-s, pati tensione të shumta mes protestuesve dhe forcave të policisë, kur protestuesit u munduan të thyejnë kordonin e policisë që parandalonte hyrjen në Piazza Palazzo di Città. Gjatë përplasjeve përfunduan të plagosur dy demonstrues dhe një polic.

Edhe në Turqi pati protesta të shumta, ku policia turke arrestoi 212 demonstrues, pasi kishin thyer kufizimet anti-COVID. Policia dhe krerët e sindikatave u përplasën në Sheshin Taksim. Arrestime pati edhe në qytetin e Izmirit. Turqia këtë javë miratoi një bllokim të plotë 17-ditor, duke përfshirë urdhrat e qëndrimit në shtëpi dhe mbylljen e shkollave dhe disa bizneseve, për të frenuar një valë të infeksioneve.

Edhe në Kosovë ditën e sotme është mbajtur një protestë, ku Sindikata e Pavarur e Sektorit Privat e Kosovës ka kërkuar më shumë të drejta për punëtorët e sektorit privat në këtë vend, rritjen e rrogën në 350 euro, nënshkrimin e kontratës kolektive, themelimin e gjykatës së punës, themelimin e fondit për punëtorë, që kanë humbur jetën në vendin e punës, trajtim të barabartë me punëtorët e sektorit publik e tjera.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

SPAK i konfiskon 4 pasuri 'Zotit të drogës' Alket Hatija! Dy apartamente, një truall dhe një garazh, Italia e ka dënuar me 20 vjet burg për trafik droge

SPAK i konfiskon 4 pasuri 'Zotit të drogës' Alket Hatija! Dy apartamente, një truall dhe një garazh, Italia e ka dënuar me 20 vjet burg për trafik droge

18 Dhjetor, 12:08