1 ton kokainë në Spanjë, kolumbianët: Shqiptarët veprojnë me profesionalizëm ushtarak

1 ton kokainë në Spanjë, kolumbianët: Shqiptarët veprojnë me profesionalizëm ushtarak

Kokaina e sekuestruar ne Spanje

“Mafia e rrezikshme shqiptare që ble drogë kolumbiane”, kështu e nis shkrimin radioja kolumbiane Caracol. Mediat kolumbiane zbardhin detaje të reja për mafien shqiptare që furnizohej me kokainë në Amerikën Latine, ndërsa e transportonte me avionë të vegjël në Spanjë. Baza e grupit ishte në Madrid, ndërsa sipas mediave spanjolle, dy shqiptarët janë me përgatitje ushtarake dhe kanë marrë pjesë në disa luftëra në Ballkan.

'Shumë nga anëtarët e bandës morën pjesë në luftën e Ballkanit dhe për këtë arsye ata veprojnë me profesionalizëm ushtarak, janë brutal dhe efektivë. Ata fitojnë besnikërinë e komuniteteve të tyre dhe anëtarëve nëpërmjet kontrollit ekonomik dhe kërcënimit. Ata arrijnë të kontrollojnë familjet e anëtarëve në Shqipëri me të holla duke i mbajtur me para, por në të njëjtën kohë duke i kthyer në pengje, ndërsa zgjerojnë rrjetin në të gjithë Europën. Anëtarët pranohen në organizatë në bazë të gjakut ose pasi kanë provuar besnikërinë për krerët e organizatës' thonë mediat kolumbiane.

Sipas medieve, rrjeti  i ri i avionëve ‘Narco Jet ’ ishte klient i ri për trafikantët kolumbianë. Autoritetet spanjolle thonë se emrat e shqiptarëve janë Dritan Gradica dhe Julian Deblini. Por, nga verifikimet e bëra nga Report Tv rezulton në Shqipëri me këtë identitet vetëm një shtetas. Dritan Gradica, që korrespondon me identitetin e të arrestuarit në Spanjë, është 43 vjeç lindur në Kukës dhe banues në Tiranë. Ai rezulton se është djali i ish-gjyqtarit të Apelit, Shaqir Gradica, i cili tashmë ka dalë në pension.  Report TV kontaktoi me telefon ish-gjyqtarin Gradica, por ai ka mohuar që personi i kapur në Spanjë është djali i tij. Dyshimet e ngritura deri më tani janë se një tjetër person të ketë përdorur identitetin e Dritan Gradicës. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Guardia di Finanza me monitorim nga ajri