POP 5

Lajmet më të lexuara të 5 minutave të fundit

Politikë

1 vit nga ardhja e PS-LSI në pushtet
Suksese në ekonomi e rendin publik

“23 qershori” i ditës së sotme shënon edhe 1-vjetorin e ardhjes në pushtet të Partisë Socialiste, pas 8 vitesh të vështira në opozitë. Zgjedhjet nga koalicioni i majtë, që garoi në moton “Aleanca për Shqipërinë Europiane”, u fituan falë edhe bashkëpunimit me Lëvizjen Socialiste për Integrim.
1 vit nga ardhja e PS-LSI në pushtet<br />Suksese në ekonomi e rendin publik
TIRANE- “23 qershori” i ditës së sotme shënon edhe 1-vjetorin e ardhjes në pushtet të Partisë Socialiste, pas 8 vitesh të vështira në opozitë. Zgjedhjet nga koalicioni i majtë, që garoi në moton “Aleanca për Shqipërinë Europiane”, u fituan falë edhe bashkëpunimit me Lëvizjen Socialiste për Integrim.
 
Si koalicion e majta mori 84 mandate, ndërsa si parti Socialistët morën 65 deputetë, ndërsa LSI mori 18 dhe PBDNJ 1.
 
Ky 1-vjetor e gjen qeverinë shqiptare në kulmin e punës, ku padyshim lufta ndaj krimit të organizuar u duk qartazi edhe në super operacionin kundër trafikut dhe mbjelljes së drogës në fshatin e Lazaratit.
 
Gjithashtu qeveria pritet të arrijë një tjetër sukses të rëndësishëm, që është marrja e statusit të vendit kandidat nga shtetet Anëtare të BE.
 
Një tjetër sfidë e rëndësishme mbetet ekonomia, ku sipas shifrave zyrtare që vijnë nga qeveria vetëm në 8 muajt e fundit, janë krijuar 25 mijë vende të reja pune. Por deri në përfundim të mandatit të parë e majta ka deklaruar shifrën ambicioze për hapjen e 250 mijë vendeve të reja të punës.
 
Ndërkohë pritet që vendi të shënojë edhe një rritje të lehtë ekonomike, falë investimeve publike, heqjes së taksave ndaj biznesit, lehtësirat fiskale ndaj biznesit të madh, etj.
 
Për sa i përket kabinetit qeverisës në këtë 1-vjetor nuk ka asnjë ndryshim ministrash. Qeveria nuk ka parashikuar aktivitete zyrtare me këtë rast, por pritet një ceremoni e thjesht, që do përkojë edhe me marrjen e statusit të vendit kandidat.

Rama uron në "Facebook": Krenar dhe mirënjohës për të gjithë ju.

Rama ka publikuar një kartolinë urimi në rrjetin social “Facebook” për fitoren e para një viti në zgjedhjet e 23 qershorit 2013.

“Një vit më pas, krenar e mirënjohës për të gjithë”- shkruan Rama mbi kartolinën e publikuar në “Facebook”.

rama per 23 qershorin(kartolina e publikuar nga Rama në Facebook për 23 Qershorin)



Redaksia Online
(e.s/a.h/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Protesta e PD-së, tensione te rruga e Elbasanit! Noka godet me grusht efektivin e policisë

Protesta e PD-së, tensione te rruga e Elbasanit! Noka godet me grusht efektivin e policisë

23 Dhjetor, 18:40