Mijëra shqiptarë iu bashkuan sot protestës në Shkup me moton "Drejtësi, Dinjitet, dhe Demokraci", e organizuar nga Këshilli që përfaqëson disa parti opozitare.
 
“Dita D” ishte motoja e protestës së sotme që ngërthen mesazhin “Drejtësi, Demokraci, Dinjitet”, mesazh ky që iu drejtua edhe Bashkimit Evropian në Ditën e Evropës, me kërkesë për të ndihmuar shqiptarët e Maqedonisë për të qenë të barabartë në këtë shtet dhe për të siguruar drejtësi për viktimat e ngjarjeve të përgjakshme të 9 majit të vitit të kaluar në Kumanovë.
 
Protestuesit, nga parku i Çairit të Shkupit marshuan në mënyrë paqësore deri para qeverisë së Maqedonisë, ku edhe organizatorët shprehën pakënaqësinë ndaj qeverisjes aktuale VMRO-BDI.
 
Nga ana tjetër, Maqedonia është në qendër të vëmendjes së mediave për shkak të protestave të shumta, që po vazhdojnë pothuajse që një muaj. 

Redaksia Online
Shqiptarja.com