POP 5

Lajmet më të lexuara të 5 minutave të fundit

Politikë

10 ditë nga gara, kreu i ri i PD pa takime në bazë! Berisha e Elezi pa program e fushatë

Kur kanë mbetur vetëm 10 ditë nga zgjedhjet për kryetarin e PD, Sali Berisha dhe Ibsen Elezi, dy kandidatët e vetëm në garë ende nuk kanë nisur fushatën në bazë. Madje ata nuk kanë prezantuar programet sesi do të drejtojnë partinë. Referuar zgjedhjeve të shkuara të 13 Qershorit, 4 kandidatët përballë Lulzim Bashës bënë 3 javë fushatë.

TIRANË- Kushtet e pazakonta në të cilën ndodhet Partia Demokratike, po imponojnë një garë të pazakontë për kreun e ri të selisë blu, që deri më 22 maj do të drejtohet nga Komisioni i Rithemelimit.

Dy kandidatët e vetëm në garë, Sali Berisha që kandidaturën  e tij e shpalli prej disa muajsh, dhe Ibsen Elezi që e dorëzoi atë vetëm disa minuta nga afatet kohore, të shtunën, ende nuk kanë nisur takimet në bazë për të kërkuar besimin e demokratëve për t’i votuar, edhe pse kanë mbetur vetëm 10 ditë kohë për fushatë.

Për më tepër, Berisha dhe Elezi ende nuk kanë prezantuar para demokratëve programin e tyre për drejtimin e partisë Demorkatike dhe idenë sesi ta bëjnë atë forcë alternative qeverisëse.

Krahasuar me zgjedhjet e fundit për kryetar në PD, ato të 13 Qershorit 2021, kur përballë Lulzim Bashës garuan Edith Harxhi, Fatbardh Kadilli dhe Agron Shehaj, 4 kandidatët nisën fushatën më 21 maj, duke zhvilluar për 3 javë takime me anëtarësinë në thuajse të gjitha degët e PD dhe duke i prezantuar nga afër platformat e tyre për një PD më të fortë.

Data 22 maj për zgjedhje të kryetarit të ri të PD u caktua nga Kuvendi i 30 prillit, ndërsa po zhvillohen në një kohë kur gjykata ende nuk e ka thënë fjalën e fundit se kujt i përket drejtimi i selisë blu. Nëse kjo e fundit nuk do të vendosë në favor të Komisionit të Rithemelimit, PD-së do të duhet të hapë një tjetër garë pa kryetar, pasi ajo drejtohet nga Enkelejd Alibeaj që prej dorëheqjes së Lulzim Bashës më 21 mars.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57