10 ndeshjet ndërkombëtare që
janë kthyer në skena dhune

Ndeshja Serbi-Shqipëri nuk është e vetmja që është ndërprerë dhe është shoqëruar me dhunë. Agjensia britanike e lajmeve Daily Mail rëndit 10 ndeshjet ndërkombëtare që janë kthyer në një kaos total ku së pari rendit takimin e Beogradit.



Senegal-Bregu i Fildishtë në tetor të 2012 është kthyer në një fushëbejetë. Drogba ka shënuar shumë gola të rëndësishëm por një gol I tij në këtë ndeshje ndaj Senegalit shkaktoi një masakër,tifozët u futën në fushë ,gjuanin me sende të forta dhe digjnin pjesë të stadiumit. Lojtarët u larguan nga fusha të shoqëruar nga forca special ndërsa Senegali u përjashtua.



Itali-Serbi në tetor të 2010-tës ka zgjatur vetëm 7 minuta dhe u ndërpre pasi tifozët serbë hodhën fishekzjarrë në fushë dhe Ivan Bogdanov dogji flamurin shqiptar në stadiumin e Genovas në Itali.Futbollisti Italian Zambrota I shpëtoi një dëmtimi ndërsa trajneri Italian Prandelli në atë kohë tha se kurrë nuk kishte parë diçka të tillë. Ndeshja më pas i shkoi Italisë në tavolinë.



Danimarkë-Suedi në qershor të vitit 2007 u shoqërua me dhunë ku gjyqtari i takimit u sulmua nga një tifoz.



Francë-Algjeri në tetor 2001 u kthye në kaos. Kjo ishte ndeshja e parë që kur afrikanët fituan pavarësinë. Tifozët algjerianë vërshëllyen himnin francez dhe u futën në fushë.
Zimbabve-Afrika e Jugut në korrik të vitit 2000 ka qenë një tmerr i vërtetë ka pas përleshjeve kanë humbur jetën 13 persona.



Republika e Irlandës-Angli në shkurt të vitit 1995. Pritej në atë kohë që kjo ndeshje të kishte probleme  por për shkak të problemeve që krijuan tifozët anglez ndeshja u ndërpre në minutën e 27-të.



Egjipt-Algjeri në vitin 1989 është shoqëruar me kaos.

Brazil-Kili në shtator të vitit 1989 u shoqërua me një incident të jashtëzakonshëm ku pas një bombe Molotov të hedhur në fushë portieri i Kilit është goditur dhe gjakosur në kokë.
 
Tmerr është parë edhe në ndeshjen Angli-Skoci në qershor të vitit 1977 ku mijëra tifozë skocez zaptuan fushën e stadiumit “Wembley”.



Ndërsa tragjedia më e madhe në futboll është shënuar në maj të vitit 1964 në ndeshjen Argjentinë-Peru ku pas kaosit të krijuar dhe invadimit të fushës mbetën të vdekur 328 nga 53 mijë të pranishmit në Estadio Nacional.


 
Redaksia Online
(a.h/shqiptarja.com)