POP 5

Lajmet më të lexuara të 5 minutave të fundit

Kronikë

10 vjet nga aksidenti në Qafën e Vishës ku vdiqën 13 persona! Familjarët e viktimave, dyshime mbi hetimet e aksidentit! Babai i Dorina Stafës, ende në kërkim të së vërtetës

Edhe pse kanë kaluar 10 vite nga tragjedia e Qafës së Vishës ku humben jeten 11 studentë në Universitetin e Elbasanit, i fejuari i njërës prej studentëve si dhe shoferi i autobusit, familjarët e viktimave kërkojnë ende vendosjen e drejtësisë. Hasan Stafa, babai i Dorina Stafës, një prej viktimave thotë për Report Tv se do t’i shkojë çështjes deri në fund derisa të zbardhet e vërteta

Edhe sot pas 10 vitesh nga tragjedia e Qafës së Vishës ku humbën jetën 11 studentë të Universitetit të Elbasanit, i fejuari i njërës prej studenteve dhe shoferi, familjarët e viktimave kërkojnë ende vendosjen e drejtësisë.

Ky është Hasan Stafa, babai i Dorina Stafës, një prej viktimave të aksidentit fatkeq. Skeptik për zbardhjen e plotë të ngjarjes dhe këmbëngulës për t’i shkuar të vërtetës deri në fund, babi i Dorinës ngre pikëpyetje të shumta mbi kontrollin teknik të autobusit dhe të dhëna të tjera që do të mundësonin zbardhjen e plotë të  shkaqeve të vërteta të kësaj tragjedie të rëndë.

“Kompanitë e sigurimit të Elbasanit, si e kanë lejuar këtë shoferin që ka udhëtuar dy ditë nga Stambolli, ka ardhur në Tiranë dhe brenda orësh e ka nisur për në Himarë, në Sarandë me studentët. A lejohet një autobus që është në këto përmasa kilometrike, aq më tepër me njerëz? Së paku duhet të ketë dy shofer, shoferi në shërbim dhe shoferi tjetër që është zëvendësues, në rast se shoferi mund të ketë probleme. Kjo nuk ka ndodhur, kontrolli teknik atje nuk është bërë në rrugë ligjore. Këto dosje kanë zënë si të thuash pluhur.” – tha Hasan Stafa, babai i të ndjerës Dorina Stafa

Edhe vlerësimin e bërë nga kompania e sigurimeve prej 1 milionë lekësh të reja e konsideron qesharak, pasi nuk kanë mbuluar dot as shpenzimet mortore.

“Faji ishte i shtetit dhe atyre që kanë bashkëpunuar  për të ngrënë në kurrizin e këtyre studentëve dhe për të shfrytëzuar momente aty ku nuk duhet shfrytëzuar.”- tha ai.

Hasani dhe prindërit e viktimave kërkojnë tashme prej 10 vitesh përgjigje dhe vënien para përgjegjësisë të fajtorëve të vërtetë e jo që shteti t’i faturojë të gjitha fajet rrugës e shoferit tashmë të vdekur.

Shumë prej prindërve dhe të afërmve të viktimave kanë pësuar trauma dhe kanë humbur aftësitë mendore e shëndetësore pas asaj ngjarje. Ata ndihen të shpërfillur nga shteti pas gjithë këtyre viteve dhe shpresojnë shumë në institucionet e reja të drejtësisë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

18 Nëntor, 08:05 nga Gianluca Di Feo*