POP 5

Lajmet më të lexuara të 5 minutave të fundit

Kultura

10 vogëlushë shndërrojnë Liqenin e Farkës në miniteatër! Me Ledian Gjecin, mesazhe të forta, për dashurinë pa interes, meritokracinë dhe rregullin

Fëmijë e talentuar e shndërruan Liqenin e Farkës në një miniteatër. Me regjisorin Ledian Gjeci dhe Alba Shtëmbarin, 10 vogëlushë nga Qendra Kulturore për fëmijë përcjellin mesazhe të forta për dashurinë pa interes, meritokracinë dhe të ushqyerit e shëndetshëm.

Prindër e fëmijë, janë mbledhur këtë fillim jave pranë Liqenit të Farkës. 10 vogëlushë do ta shndërrojnë Parkun Helen në një miniteatër... Janë vetëm disa nga fëmijët që Qendra e Kulturës dhe Librit për Fëmijë, e drejtuar nga Anisa Ymeri, ka trajnuar si pjesë të ‘Teatrit të fëmijëve’ për të dhuruar emocione përmes interpretimit të tyre. Ledian Gjeçi ka shkruar për ta katër pjesë e u jep porositë e fundit, duke u përpjekur t’i inkurajojë...

Së bashku me Alba Shtëmbarin ai vendos në skenë shfaqjet edukuese, ndërsa mirëpret publikun. Me pjesën ‘Mall’ u tërhiqet vëmendja fëmijëve, e veçmas të rriturve të mos i mëshojnë interesit por raporteve njerëzore... Çedukimi që vjen përmes rrjeteve sociale, që promovojnë dukjen më shumë se sa vlerën, ka impakt dhe mbi fëmijët.

Fëmijëve të dhënë pas sendeve materialeve e interesit, Gjeci u vendos përballë Herën. Një vogëlushe që pëlqen librat dhe do e kujdeset për të afërmit e saj... Mesazhet autori i përcjell edhe për “Ushqimin e shëndetshëm”. Tenton t’i bëjë prindërit të reflektojnë mbi pasojat e të keq ushqyerit.

Ndërsa për respektimin e ‘Radhës’ i vendos vogëlushët në një situatë gati kaotike... Por, rregulli dhe toleranca u bëhen ‘shokë’ të sigurt të rrugëtimit të tyre... Situatat komike ndihmojnë të ruhet ritmi i shfaqjeve dhe përfshijnë edhe më shumë publikun.

Përpiqet që përmes artit t’i ftojë të vegjlit të peshojnë meritokracinë Ledian Gjeci. Por, sigurisht që për “Vendin e parë” duhet të ndërgjegjësojë më parë të rriturit. 10 interpretuesit e vegjël e kanë përmbushur misionin deri në sezonin e ardhshëm...

Mbrëmja mbyllet me mirënjohje, jetësim të çasteve të bukura në një fotografi, e sigurisht me perëndimin e diellit që bie mbi Farkë...

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

Më të mirët e 2024-ës në futbollin shqiptar, Ermir Rashica fiton çmimin 'Talenti i Vitit' për djem

27 Janar, 20:43