POP 5

Lajmet më të lexuara të 5 minutave të fundit

Kultura

100 vjet pavarësi, ngjashmëria
me logon e Trinidat & Tobago

Në rrjetin social facebook qarkullon një foto ku logoja e 100 vjetorit të shpalljes së Pavarësisë së shtetit shqiptar ka elementë të ngjashëm me atë të 50 vjetorit të Pavarësisë së shtetit të Trinidat & Tobago, që shtrihet në brigjet verilindore të Venezuelës, në jug të Karaibeve.
TIRANE- Pas ngjashmërisë si dy pika uji të momunentit të pavarësisë me atë të veprës së skulptorit me famë botërore Riçhard Serra, një tjetër ngjashmëri del në dritë në këtë 100 vjetor të shtetit shqiptar.

Në rrjetin social facebook qarkullon një foto ku logoja e 100 vjetorit të shpalljes së Pavarësisë së shtetit shqiptar ka elementë të ngjashëm me atë të 50 vjetorit të Pavarësisë së shtetit të Trinidat & Tobago, që shtrihet në brigjet verilindore të Venezuelës, në jug të Karaibeve.

Ngjashmëria mes dy logove është e dukshme në ngjyra, (e kuqja me të zezë,) dhe në stil. Më 13 janar 2012, kur u shpall fitues vepra e artistit kosovar Zeni Ballazhi, ministri i Kulturës Aldo Bumçi deklaroi se “Punimi fitues stilizon shqiponjën në formën e një flake jubilare dhe i përngjan një trofeu”. Ministri Bumçi pat deklaruar se logoja fituese e artistit kosovar Zeni Ballazhi u shpall fitues nga komisioni i ngritur posaçërisht për këtë çështje midis 24 artistëve.


logoja e pavaresise Ngjashmëri në ide ka dhe logoja e shtetit arqipelag Trinidat & Tobago, që shtrihet në brigjet verilindore të Venezuelës, në jug të Karaibeve. Por ka dhe disa dallime. Vijat e lakuara të cilat tek logoja jonë, stilizon shqiponjën, ndërkohë që tek logoja e Trinidat vijat e lakuara janë vetëm në drejtimin majtë. Logoja e shtetit arkipelag Trinidad & Tabago është vepër e autorit Debbie Boos.

PAK PER SHTETIN TRINIDAT & TOBAGO
Shteti arqipelag Trinidat & Tobago është bashkim i dy ishujve kryesore Trinidad and Tobago, me një sipërfaqe prej 5. 128 km katror dhe një popullsi prej 1. 227. 505 banorë. Ai shtrihet në jug të Karaibeve. Trinidad e Tobago fitoi pavarësinë nga Britania më 31 gusht 1962 dhe u bë Republikë në 1976. Popullsia e këtij shteti flet anglisht dhe ekonomia kryesisht është industriale.

LOGOJA SIPAS DEBIE BOOS
Ky shtet përzgjodhi logon në shkurt të 2012 dhe më 31 gusht 2012 feston 50 vjetorin e pavarësis♪. Autori në konceptin e tij për logon e përshkruan kështu: Skica ime përshkruan rritjen dhe zhvillimin e shtetit në këto 50 vjet pavarësi. Shiritat përfaqësojnë vazhdimin drejt një të ardhme më të ri, dhe simbolizojnë industrinë e prodhimit të sheqerit dhe të naftës, ku mbështetet ekonomia e këtij vendi. Ngjyrat e kuqe dhe të zezë përfaqësojnë ngjyrat e flamurit kuq e zi të Trinidad dhe Tobago.



NGJASHMËRIA E MONUMENTIT TË PAVARËSISË ME ATE TE SKULTPORIT SERRAmonumenti i pavaresise dhe ngjashmeria
Projekti i Visar Obrisë dhe gjermanit Kai Roman Kiklas i shpallur fituese në prill, nga Kryeministri Berisha ngjan si dy pika uji me veprën e skulptorit me famë botërore Riçhard Serra. Ndërkohë që vepra "Lead" e Serrës mban përsipër një shkop, vepra e pavarësisë mban një gjysmë çatie. Koncepti është i njëjtë për të dyja veprat: njerëzit të kalojnë përmes skulpturës, e cila vendoset direkt në tokë. Të dyja veprat ofrojnë mesazhe si një libër i hapur. Vetë autorët Visar Obrisë dhe gjermani Kai Roman Kiklas mohuan që vepra të jetë vjedhur.



Redaksia online
(su.ge/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59