POP 5

Lajmet më të lexuara të 5 minutave të fundit

Sport

11 ndeshje rradhazi pa humbje, Kosova tremb Bullgarinë para sfidës për “Euro 2020”

Miqësorja e përfunduar me shifrat 2-2 kundër Danimarkës e ka çuar në 11 numrin e ndeshjeve pa humbje të Kosovës. ‘Dardanët’ me këtë paraqitje kanë trembur jo vetëm skuadrën nordike, por edhe Bullgarinë e cila të hënën do të përballet me Kosovën për eliminatoret e Europianit.

11 ndeshje rradhazi pa humbje, Kosova tremb Bullgarinë para sfidës për “Euro 2020”

Danimarka i hoqi fitoren Kosovës në sekondat e fundit të miqësores të zhvilluar në stadiumin “Fadil Vokrri”, por rezultati 2-2 nuk ia ka zbehur aspak paraqitjen dardanëve të drejtuar nga Shaland. Përpos stadiumit të tejmbushur, për t’u evidentuar është edhe numri i ndeshjeve pa humbje për Kosovën, plot 11.

Me Danimarkën për t’u lavdëruar ishin të gjithë, duke filluar nga portieri Muric e deri te sulmuesi Muriqi, të cilët më shumë se për talentin spikatën për shpirtin e treguar në fushë. Një paraqitje që ka lënë pa fjalë mediat daneze, të cilat kanë shkruar me superlativa për ‘dardanët’, ndërsa nuk janë kursyer me fjalët për kombëtraren e tyre.

“Ekstrabladet” në titull shkruan ‘turp për Danimarkën’, ndërkohë që te ‘BT’ lexohet ‘paraqitje e dobët e Danimarkës’. Të menjëhershme kanë qenë edhe reagimet në Bullgari, pasi të hënën kjo kombëtare do të luajë kundër Kosovës për eliminatoret e Europianit. Bullgarët i tremben ‘dardanëve’, duke shkruar ‘se ndaj tyre duhen 100%, ndryshe rrezikojnë të sigurtë disfatën.’

Atë që ka bërë Kosova me Danimarkën e tregon më së miri edhe Eriksen, futbollisti i nordikëve. Pas ndeshjes ai ka deklaruar: “Ne, por jo vetëm, meduam se do të fitonin lehtë, por në pjesën më të madhe të lojës nuk arritëm të bënim lojën tonë. Me rëndësi është që shmangëm humbjen.”

I vetmi detaj që i prishi paksa bukurinë ndeshjes ishte hyrja e tre tifozëve në fushë në fundin e takimit. Njëri prej tyre shkoi drejt Eriksen për t’I kërkuar bluzen, por ky i fundit nuk e kuptoi dhe mbeti i befasuar. Për ngjarjen UEFA pritet të dënoje më gjobë Kosovën.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça