110-vjetori i Pavarësisë, presidenti gjerman uron Begajn: Shqipëria, hap historik drejt BE-së! Gjermania do të vazhdoj mbështetjen në këtë rrugëtim

Presidenti i Gjermanisë, Frank-Walter Steinmeier i ka shprehur urimet e tij presidentit Bajram Begaj me rastin e 110-vjetorit të Pavarësisë së Shqipërisë.

Preisdenti gjerman shprehet se  Shqipëria ka bërë një hap historik drejt Bashkimit Evropian përmes nisjes së bisedimeve të anëtarësimit dhe se Gjermania do të vazhdoj mbështetjen në këtë rrugëtim.

“Para vizitës së tij në Shqipëri të enjten dhe të premten, Presidenti Federal Frank-Walter Steinmeier i përcolli Presidentit Begaj urimet e Gjermanisë për Festën Kombëtare të Shqipërisë. Ai shkruan: Shqipërinë dhe Gjermaninë i lidh një partneritet i ngushtë, në nivel dypalësh dhe si vende aleate të NATO-s. Gëzohem që përmes nisjes së bisedimeve të anëtarësimit këtë korrik Shqipëria ka bërë edhe një hap historik drejt Bashkimit Europian. Gjermania do të vazhdojë ta mbështesë në mënyrë aktive vendin tuaj në këtë rrugë si mik dhe partner.

Uroj për ju dhe bashkëkombësit tuaj mbarëvajtje personale dhe një të ardhme në paqe, liri dhe mirëqenie”, është shprehur Steinmeier.

Lajmi kryesor:

110-vjetori i Pavarësisë, Biden: Shqipëria, lider humanitar! BE: Do iu mbështesim në rrugën drejt integrimit! Kim: Frymëzuese ruajtja e gjuhës dhe kulturës

S.C/Shqiptarja.com

TAG:
• SHBA
• 110 vjetori i pavaresise
• 100 vite marredhenie shqiperi-shba
• Antony Blinken
• Yuri Kim