LEVERKUSEN, Gjermani - Në Leverkusen po rritej emocioni këtë të dielë përpara fitores së pritshme të skuadrës vendase Bayer Leverkusen kundër Werder Bremen, çka do bënte që sot t'i jepej fund edhe titullit kampion në Bundesligë për këtë sezon.
Leverkusen është i pamposhtur në një rekord prej 42 ndeshjesh në të gjitha garat këtë sezon dhe i duhet vetëm një fitore nga gjashtë ndeshjet e fundit të Bundesligës për të qenë i sigurt për të fituar titullin për herë të parë në histori.
Mundësia e parë e skuadrës vjen sot kundër Werder Bremen, me ndeshjen që nis në 17:30. Disa orë para fillimit të duelit, fansat u mblodhën jashtë "BayArena" duke shijuar birrën dhe diellin.
Shtëpitë janë zbukuruar me pankarta dhe simbole të klubit përgjatë rrugëve nga stacioni kryesor i trenit të qytetit deri në stadiumin 'BayArena' dhe shirita me ngjyrat e zeza dhe të kuqe të klubit dekoruan pemët. Tifozët u rreshtuan në rrugën kryesore për në stadium për të përshëndetur autobusin e ekipit.
Në një park aty pranë, në një murale të sapo pikturuar të fanellës nr. 10 të sulmuesit Florian Wirtz, shitësit bënë një tregti të shpejtë me kapele "kampioni gjerman 2024", si dhe shalle që lexonin "Faleminderit Xabi Alonso", një dedikim për trajnerin që e ka kthyer skuadrën në një pretendente për titull.
Tifozët e Leverkusenit kanë pritur për një kohë të gjatë suksesin pasi kanë duruar një sërë humbjesh të dhimbshme, duke përfunduar nënkampion në 2011, 2002, 2000, 1999 dhe 1997.
Klubi gjithashtu humbi finalet e Kupës së Gjermanisë dhe Ligës së Kampionëve në 2002. Vetëm tifozët 'e moshuar' kujtojnë fitoren e Kupës së Gjermanisë në 1993, ose fitoren e Kupës UEFA në 1998.
"Të paktën askush nuk do të thotë më 'Vicekusen', gjë që është shumë e rëndësishme," tha drejtori sportiv gjerman Rudi Völler, i cili është një ish- lojtar i Leverkusenit.
“Ishte një term që më ka mërzitur për dekada, por duhet ta durosh, nuk ia dolëm kurrë më parë. Por kjo ka marrë fund.”
Leverkusen është themeluar në 1904 dhe ka 120 vite që pret një titull kampion, teksa në 11 vitet e fundit ka dominuar Bayern Munich.
Lajme të tjera
-
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
GOLAT/ Dortmund fiton 1-3 kundër Wolfsburg, Bochum merr fitoren e parë në Bundesligë
22 Dhjetor, 21:08 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Klubi i Bundesligës gjermane pas Rey Manajt
21 Dhjetor, 21:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
VIDEO/ Leverkusen 'shuplakë' Freiburgut, Schick shënon katër herë! 'Aspirinat' s'i ndahen Bayernit, rezultatet dhe renditja në Bundesligë
21 Dhjetor, 21:12
