POP 5

Lajmet më të lexuara të 5 minutave të fundit

Kronikë

1200 pallatet e palegalizuara, ALUIZNI tërheq listën e subjekteve ndërtuese: Ka pasaktësi

ALUZINI ka reaguar ditën e sotme në lidhje me listën e përbërë nga 328 biznese që kishin ndërtuar pa leje, ndëkohë që ka dhënë një sqarim të detajuar.
1200 pallatet e palegalizuara, ALUIZNI tërheq listën e subjekteve ndërtuese: Ka pasaktësi

Artan Lame, Drejtor i ALUIZNI-t

ALUIZNI ka tërhequr listën me subjektet ndërtuese të cilësuara problematike dhe përgjegjëse të bllokimit të procesit të legalizimit për 1200 apartamente të palegalizuara aktualisht në Tiranë. Drejtoria e ALUIZNI-t ka njoftuar se lista do të ripublikohet, pasi të dhënat kanë rezultuar të pasakta, për shkak se disa objekteve nuk u kishte mbërritur njoftimi për vijimin e procedurave të legalizimit.

Një ditë më parë ishte kreu i ALUIZNI-t, Artan Lame, i cili publikoi listën e zezë me 328 subjekte ndërtuese, ndërsa deklaroi se do i kërkojë Bashkisë së Tiranës, të mos japë asnjë leje ndërtimi për këto shoqëri apo këta persona, pa shlyer detyrimet dhe pa mbyllur procesin e legalizimit për objektet tashmë të ndërtuara prej tyre. 

Njoftimi i ALUIZNI-t:

Të nderuar ndërtues dhe qytetarë,
Siç jeni në dijeni, pas disa paralajmërimesh, dje ALUIZNI publikoi nismën e rradhës për të ndihmuar procesin e legalizimit të pallateve me shkelje në lejen e ndërtimit apo të braktisur nga ndërtuesit.
Lista paraprake e subjekteve ndërtuese me probleme, përmante 328 subjekte.

Gjatë pasdites së djeshme dhe ditës së sotme, Aluizni është përballur me dy efekte. Nga njëra anë me përgëzimin e një shumice qytetarësh për këtë masë që ndihmon në zgjidhjen e problemit të tyre dhe, nga ana tjetër, jemi përballur me ankesa dhe vëretjtje nga subjekte të cilat kanë pretendime rreth përfshirjes në listë.

Lista paraprake e publikuar dje, rezulton të ketë disa pasaktësi për shkak të disa subjekteve të cilave nuk ju ka mbërritur njoftimi ynë për të vijuar procedurat e legalizimit, të tjerë që në vite kanë ndërruar emrat e subjekteve, të rasteve kur kanë bërë vetëdeklarimin pranë nesh banorët pa njoftuar subjektin ndërtues, të subjekteve të ndryshme por me emra të njëjtë apo të përafërt, të mungesës së adresave të sakta apo të ndryshimit të tyre, të komplikacioneve midis ndërtuesit – investitorit - subjektit etj, subjekte nënkontraktues që kanë paraqitur emra të subjekteve ndërtues, apo edhe për shkaqe subjektive të llojit që “s’janë paraqitur deri më sot se nuk i kanë marrë seriozisht thirrjet tona të deritanishme”.

Në këto kushte, ALUIZNI përpara se të përcjellë zyrtarisht listën përfundimtare, po ndërmer një kërkim të detajuar në bashkëpunim me të gjitha ato subjekte që po paraqesin vërejtjet e tyre.
Në fund të këtij procesi do të kemi një listë përfundimtare të kolauduar, në të cilën do jenë reflektuar të gjitha ankesat që do të rezultojnë të drejta, si edhe do të shtohen ato subjekte që do të dalin të reja si problematike.

Bashkëlidhur do të listojmë edhe ato subjekte që do të rezultojnë të pastra, duke e shoqëruar këtë me ndjesën tonë për shqetësimin e krijuar. Ftojmë të gjithë ato subjekte që kanë vërejtje apo sugjerime, të paraqesin përfaqësues të tyre pranë drejtorisë së Përgjithshme të ALUIZNI-t në ditët në vijim.

Drejtoria e Përgjithshme

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • HJIA: 31/05/2018 20:35

    TURP ALUIZNI KETA LUAJN ME JETEN E NJERZVE, PERPLASIN EMRAT E INVESTITORVE NE INTERNET PA BERE ASNJE KONTROLL PARAPRAKE. KONTROLLET JAN TE DOMOSDOSHME POR VETEM NQS JAN TE NDERSHME DHE TE DETAJUARA. NUK MUND TE LUAJN ME JETEN DHE PUNEN E INVESTITORVE TE NDERSHEM QE I JAPIN BUKE QINDRA PUNETORVE.

    Përgjigju
  • **Contructor: 31/05/2018 20:27

    Sic pritej, pafytyresia e kesaj administrate doli serisht ne shesh. Sic kisha shkruajtur dje, ne ate liste skandaloze kishte njerez te ndershem qe kane paguar taksat deri ne centezin e fundit, kane punuar me ndershmeri dhe e gjejne veten te trajtuar si kriminele qe shekelin ligjin nga ato njerez qe na vjedhin e na kane shkaterruar e qe vazhdojne te na terheqin ne batakun e mjerimit. Me vjen turp qe jam shqiptar ne keto raste, kur nxihet fytyra e njerezve pa asnje te drejte, as morale dhe as profesionale, hidhet balte dhe askush nuk mban pergjegjesi. Te ishim nje shtet serioz, kto gjera do ndeshkoheshin me gjoba marramendese per demtim imazhi por jemi ato qe jemi ku nxirren listat pa u pare fare, dhe per te korrigjuar mjafton nje: AAA me falni kemi ngaterruar emra, do e rregullojme pastaj del prape lista. Nuk ka fjale per kte administrate...

    Përgjigju
  • sapa: 31/05/2018 19:30

    Po te donin te benin shtet rilindasit do bllokonin cdo lloj leje ndertimi si dhe legalizim te cdo lloj prone qe ka probleme te pazgjidhura.Po jane te paafte sic e kane treguar keto 5 vjet qeverisje.

    Përgjigju
  • Vermiku: 31/05/2018 17:29

    Beri zhurme Telegrafi i ish ambasades Kroate heeee

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa