20 mësues e 3 prokurorë me COVID në Tiranë! 125 raste të reja e 5 persona ndërrojnë jetë në 24 orë (VIDEO)

TIRANË- Gjatë ditës së sotme janë regjistruar 125 raste të reja me COVID-19 në vendin tonë, ndërsa kanë ndërruar jetë 5 persona, nga 833 testime në 24 orë, ndërsa 20 mësues janë të infektuar në Tiranë dhe 3 prokurorë janë vetëkarantinuar në banesë.

Rastet e të prekurve janë: 46 raste në Tiranë, 12 raste në Durrës, nga 7 raste në Elbasan, Mirditë, nga 6 raste në Krujë, Kavajë, Bulqizë, Kuçovë, nga 5 raste në Vorë, Gjirokastër, 4 raste në Gramsh, nga 2 raste në Shkodër, Berat, Kamëz, Mat, nga 1 rast në Kurbin, Kukës, Has, Tropojë, Pogradec, Sarandë, Selenicë.

43 qytetarë kanë fituar betejën me Covid-in, duke e çuar në 6831 që nga fillimi i pandemisë.

Ministria e Shëndetësisë ka ka këshilluar që të kontaktohet me mjekun e familjes ose të telefonohet Urgjenca Kombëtare në numrin 127 nëse dyshoni se juve apo një i afërmi është i prekur nga Covid-19.

"Telefononi në linjën e gjelbër falas 0800 40 40 për të kontaktuar mjekun e familjes, për shërbim psikologjik si dhe për çdo informacion tjetër rreth Covid19", shkruan Ministria e Shëndetësisë.

COVID-19 – Statistika (18 Shtator 2020)
Testime totale 78050
Raste pozitive 12073
Raste të shëruara  6831
Raste Aktive 4889
Humbje jete 353  (Qarku Tiranë 169, Durrës 45, Shkodër 39, Elbasan 22, Fier 18, Korçë 16, Lezhë 14, Kukës 10, Dibër 7, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë  2418
Durrës  549
Shkodër 373
Lezhë 286
Elbasan  266
Korçë  221
Fier 209
Vlorë 185
Kukës 143
Berat 105
Gjirokastër  67
Dibër 67

Tre prokurorë të Tiranës kanë rezultuar të infektuar me COVID-19. Të infektuarit janë vetëkarantinuar në banesë, ndërsa prokuroria vijon punën e saj normalisht duke respektuar protokollet e sigurisë.