Bilanci në 24 orët e fundit/ Sot 125 raste të reja me COVID dhe 4 humbje jete

Foto ilustruese

TIRANË- Ashtu si kurse kanë bërë me dije ekspertët, vaksinimi masiv ka ndikuar në uljen e infektimeve dhe kjo është vënë re edhe në numrin e rasteve të reja me COVID-19 në 24 orët e fundit. Këtë të hënë, si rezultat i 1983 testimeve, janë konfirmuar pozitiv me koronavirus 125 qytetarëve, e ndërsa 4 të tjerë nuk kanë mundur që të fitojnë këtë betejë. Viktimat janë regjistruar nga Tirana, Gjirokastra, Fieri dhe Malësia e Madhe të moshave 63 - 82 vjeç.

Referuar ekspertëve, situata paraqitet e stabilizuar edhe në spitalet COVID, ku aktualisht po trajtohen 204 pacientë, 12 në terapi intensive, nga të cilët 3 pacientë janë të intubuar. Nga ana tjetër, numri i të shëruarve është shumë herë më i lartë se i rasteve të reja. Në 24 orët e fundit janë shëruar 546 qytetarë, duke e çuar numrin e të shëruarve në 98,269 që nga fillimi i epidemisë.

Pikërisht këto shifra, të cilat kanë pësuar një ulje gjatë ditëve të fundit, ndikuan që Komiteti Teknik i Ekspertëve të lehtësonte masat. Kështu nga sot, ora policore do të jetë 22:00-06:00, që është e vlefshme për qytetarët si edhe baret e restorantet. Nga ana tjetër, janë rihapur edhe fluturimet me Britaninë e Madhe, të cilat u mbyllën për shkak të variantit të ri që u zbulua.

Rastet pozitive të konfirmuara janë identifikuar në këto bashki
27 raste në Tiranë, 16 në Fier, 9 në Shkodër, 8 në Sarandë, 7 në Elbasan, 6 në Durrës, 5 në Lezhë, nga 4 raste në Lushnje, Pogradec, Gramsh, nga 3 raste në Kavajë, Vlorë, Mirditë, Berat, Delvinë, Tepelenë, nga 2 raste në Kurbin, Malësi e Madhe, Kuçovë, Skrapar, Patos, Konispol, nga 1 rast në Kukës, Tropojë, Vau i Dejës, Dibër, Roskovec.

Statistika (12 Prill 2021)
Raste të reja ditore        125
Të shëruar në 24 orë     546
Të shtruar në spitale      204
Humbje jete në 24 orë    4
Testime ditore                1983
Testime totale            591,590
Raste pozitive             128,518
Raste të shëruara        98,269
Raste Aktive                 27,928
Humbje jete                  2,321

Shpërndarja gjeografike e rasteve aktive sipas qarqeve
Tiranë   19823
Fier      2413
Durrës  1177
Gjirokastër  1168
Shkodër  967
Korçë   727
Vlorë     608
Dibër    340
Kukës    324
Elbasan  237
Berat    94
Lezhë     50

B.K./Shqiptarja.com
  • Sondazhi i ditës:

    A është e mjaftueshme rritja vjetore e pensioneve prej 5 për qind ashtu siç premtohet në programin e Rama 3?

Komento

Komente

  • Maks: 12/04/2021 17:55

    Cja fusni kot ju Semundja u tremb nga sala e tritan shehu sepse e paralajmeroi qe momentin qe do vin ne pushtet mbrenda 100 ditesh do bjen vaksin europjane qe pritet te dal ne shtator Sidhe pandemia u tremb nga vrulli i PD e lsi per fitoree

    Përgjigju


×

Lajmi i fundit

John

'SHBA nuk është kundër partive, por kundër pandëshkueshmërisë’, ish-deputeti i PD: Me njollën e korrupsionit PD nuk do të fitojë kurrë zgjedhje në Shqipëri