TIRANË- Me 4 qytetarët që humbën sot betejën me COVID-19 shkon në total 384 numri i viktimave në vendin tonë që nga fillimi i pandemisë në vendin tonë. Në bilancin ditor të bërë nga Minstria e Shëndetësisë bëhet me dije se gjatë 24 orëve të fundit janë konfirmuar pozitiv me koronavirus 127 raste të rea, që kanë ardhur si rezultat i 720 testimeve të kryera.
"Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 65 vjeçar nga Vlora dhe 3 qytetarë nga Tirana, një 59 vjeçar, një 75 vjeçar, një 76 vjeçar, me sëmundje bashkëshoqëruese", njofton Ministria e Shëndetësisë.
Fatmirësisht numri i të shëruarve vijon të jetë i lartë edhe gjatë ditës së sotme. "Në 24 orët e fundit 103 qytetarë e kanë fituar betejën me Covid19 duke e çuar numrin e të shëruarve në 7732 që nga fillimi i epidemisë", bën me dije Mirela Cami, Drejtore e Operatorit të Shërbimeve të Kujdesit Shëndetësor.
Megjithatë, teksa paraqitet një situatë e mirë e të shëruarve, nuk është e njëjta panoramë edhe në dy spitalet COVID në Tiranë, ku numri i të shtruarve vijon të jetë në rritje. Aktualisht në spitalin Infektiv dhe 'Shefqet Ndroqi' po trajtohen 190 pacientë, 16 në terapi intensive nga të cilët vetëm 5 pacientë janë të intubuar.
Theksi në apelin e ministrisë së shëndetësisë është në vendosjen e maskave në ambientet e mbyllura.
"Ministria e Shëndetësisë dhe Mbrojtjes Sociale i drejtohet gjithë qytetarëve dhe bizneseve të jenë të kujdesshëm në zbatimin e rregullave të higjienës, distancimit dhe vendosjes së maskës. Maskat janë një domosdoshmëri për t’u mbajtur kudo ku ambienti është i mbyllur, në spitale, qendra shëndetësore, dyqane, supermarkete, parukeri, taksi, ambiente pune, zyra shërbimesh", përfundon Ministria.
Një edukatore e kopshtit nr.9 në Elbasan ka rezultuar pozitive me COVID-19 duke bërë që administrata të lajmërojë fëmijët dhe prindërit e tyre që ato të mos paraqiten përkohësisht deri sa të bëhet dezinfektimi i ambienteve të kopshtit.
Gjithashtu ka nisur edhe hetimi i epidemiologjik i kolegëve dhe kontakteve të edukatores duke u bërë tamponi.
ELBASAN- Tre infermierë dhe dy mjekë të qendrës shëndetësore të lagjes Skendërbej në Elbasan, janë konfirmuar me koronavirus.
Pas daljes së përgjigjjes së tamponit ata janë vetëkarantinuar në shtëpitë e tyre.
Ndërkohë që personeli i vetëkarantinuar është zëvendësuar me personel tjetër dhe shërbimi vazhdon normalisht në qendrën shëndetësore të lagjes Skënderbej.
Një tjetër rast ka rezultuar pozitiv në shkollën 9-vjeçare në Ersekë. Pas mësueses së fizikës, e cila rezultoi të dielën pozitive, është prekur edhe nëndrejtoresha e shkollës. Sipas informacioneve për Report Tv, ajo është karantinuar prej ditësh në banesën e saj.
Ndërkohë që edhe në Vlorë është mbyllur nga ISHSH një degë e bankës së BKT-së.
Shkak ka qenë konfirmimi me koronavirus i një prej punonjësve të bankës. Punonjësit e tjerë do t'i nënshtrohen testimit dhe pritet përgjigja nëse ka persona të tjerë të infektuar.
Dega e bankës së BKT-së do të qëndrojë e mbyllur deri në një moment të dytë.
Lajme të tjera
-
2-vjeçari me tumor 10 ditë pa kimio se nuk kishte ilaç në QSUT, Ministria e Shëndetësisë e gjen pas presionit mediatik! Burime: ‘Actinomycin D’ mungonte në treg prej 2006
25 Dhjetor, 15:47 -
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52
