FIER-Pas 13 vitesh në errësirë totale, familja Alla do të ketë energji elektrike në shtëpi. Apeli për ndihmë i familjes në Report TV nuk shkoi në vesh të shurdhët. Reagimi i parë ka ardhur OSHEE në Fier, ku drejtori i këtij institucioni, Arjan Fasko ka deklaruar se punonjësit e administratës kanë zgjedhur që të paguajnë shumën e nevojshme që duhet për të lidhur kontratën.

"Kësaj familje do t'i bashkohet për ta ndihmuar administrata dhe punonjësit për të paguar 300 mijë lekë lidhje kontrate. I kemi kërkuar familjes dokumentet përkatëse që duhen në të tilla raste", u shpreh Alla.

Varfëria në këtë familje ishte ulur këmbëkryq, e kjo është si një dritë në fund të tunelit, një fije shprese se gjërat do të ndryshojnë. Kjo familje është e përbërë nga 5 anëtarë, të cilët jetojnë në kushte ekstreme, në një banesë krejtësisht të rrënuar.

Kjo gjendje e mjerueshme e ka detyruar nënën e 3 fëmijëve drejt aktit të vetëflijimit. Në kushtet e depresionit, Anilda kërkon ndihmë nga kushdo që mundet, në mënyrë që të dalë së bashku me fëmijët e saj nga kjo gjendje e mjerueshme.