POP 5

Lajmet më të lexuara të 5 minutave të fundit

Sport

14 ekipe sigurojnë 1/8 e Champions, favoritët në vazon e parë

 “Monstruozët” janë të gjithë në vazon e parë. Janë përcaktuar tashmë 14 nga 16 ekipet e fazës së 1/8 të Champions. Vazo e parë është e përcaktuar ndërsa sonte mësohen edhe dy skuadrat e fundit që do të kalojnë më tej.

14 ekipe sigurojnë 1/8 e Champions, favoritët në vazon e parë

14 ekipe e kanë siguruar tashmë fazën e 1/8 të Champions dhe janë gati për të pritur shortin e së hënës. Mbeten vetëm 2 ekipe emrat e të cilave do të mësohen nga ndeshjet e ditës së sotme. Vazo e parë tashmë është përcaktuar dhe janë emra “Big” ekipet favorite. Në vazon e parë janë PSG, Bayern Mynih, Juventus, Manchester City, Liverpool, Barcelona, Lajpcig dhe Valencia.

Priten superpërballje që në 1/8 pasi në vazon e dytë janë skuadrat e mëdha si Real Madrid, Napoli, Dortmund, Chelsea apo edhe Tottenham e Lyon. Interi mbeti jashtë Championsit ndërsa më tej kaloi Dortmundi.

Mes 16 më të mirave ka kaluar Borussia Dortmund që shfrytëzoi dhuratën e Barcelonës. Gjermanët me vështirësi mposhtën 2-1 Slavian e Pragës dhe kalojnë si e dyta e grupit F.
Kampionët në fuqi të Liverpool likujduan Salzburg në ndeshjen e fundit në grup dhe kualifikohen si e para në grup. The Reds fituan 2-0 në Austri falë golave të shënuar në pjesën e dytë nga Keita dhe Salah ndërsa Salzburg vijon në Europa League.

Kualifikimi nuk e shpëtoi Carlo Ancelottin. Trajneri u shkarkua nga drejtimi i Napolit mbrëmjen që fitoi 4-0 ndaj Genk në “San Paolo” dhe siguroi 1/8.  Protagonisti i mbrëmjes ishte sulmuesi Milik me tre gola.
Mes 14 ekipeve të kualifikuara janë edhe Lajpcig dhe Olimpique Lyon që e mbyllën respektivisht në vend të parë dhe të dytë grupin G. Francezët barazuan 2-2 me Lajpcig dhe në frymën e fundit kalojnë më tej. Benfica mposhti 3-0 Zenitin dhe vijon në Europë.

Nga kryesues i grupit H Ajax eliminohet nga Champions. Valencia i mposhti 1-0 holandezët në Amsterdam dhe kualifikohet si e para e grupit. Skuadra tjetër e kualifikuar është Chelsea që mposhti 2-1 Lille në Londër./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13