POP 5

Lajmet më të lexuara të 5 minutave të fundit

Politikë

14 maji/ Opozita nuk gjen qetësi, PD dhe ‘BF’ përplasen në KQZ! Sefa: PL partia domate, gjeti një hu ku të mbështetej! Kazizaj: S’plotësoni komisonerët, bëni teatër

Përfaqësuesit e opozitës në Komisionin Qendror të Zgjedhjeve u përplasën për mungesën e komisionerëve në qendrat e votimit, për të cilët Altin Kaziaj i Metës dhe Berishës thotë se PD nuk i plotëson dot. Por Ilirjan Celibashi u kërkon palëve të lënë jashtë mureve të KQZ debatin mes vetes.

Edhe pse tashmë është e qartë se kush përfaqëson Partinë Demokratike në zgjedhjet e 14 majit dhe po njëjtë, se cila është përbërja e koalicionit “Bashkë Fitojmë”, palët vijojnë të përplasen në KQZ.

Duke pretenduar se mund të përsëritet skenari i 6 marsit, ku PD-së i munguan komisionerët, përfaqësuesi i Partisë së Lirisë Altin Kaziaj tha se logoja zyrtare pasi nuk arriti të nxirrte kandidatë, po dështon edhe në plotësimin me anëtarë të saj të Qendrave të Votimit.

“Vijnë ca njerëz dhe bëjnë teatër nuk arrijnë të plotësojnë as kandidatët për bashki, as anëtarët e qv (se kemi marrë informacion që në disa qv nuk janë plotësuar numrat)”-theksoi Kazizaj.

Nuk ia kurseu ironinë përfaqësuesi ligjor i demokratëve.

“Ka parti që janë tradicionale, ka dhe parti domate që i duhet një hu ppër të qëndruar, më vjen mirë që e kanë gjetur hurin.”- u shpreh Indrit Sefa.

Por Ilirjan Celibashi u kërkon palëve të qëndrojnë larg debatit politik në insitucionin e administrimit të zgjedhjeve.

“Shmangeni nga kjo sallë këtë retorikë, besoj keni mjaft ambiente të tjera për ta bërë këtë retorikë”-tha Celibashi.

Në seancën e së enjten Ilirjan Celibashi kërkoi që ministritë të mos ripostojnë aktivitetet personale të ministrave që pasqyrohen në rrjetet sociale në llogari të tyre.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55