Drejtësia për 21 janarin nuk duhet vonuar më. Ky ka qenë mesazhi i Kryeministrit Rama në këtë 14-vjetor të vrasjeve shtetërore të 21 janarit 2011, në bulevardin para kryeministrisë.
Përmes një postimi në Facebook, Rama shkruan se ata që kanë në dorë të bëjnë drejtësinë dhe po e vonojnë atë, duhet të kenë parasysh se fëmijët e protestuesve të vrarë po bëhen prindër duke pritur.
“Drejtësia vonon po nuk harron”, thotë populli dhe sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë…', shkruan Rama.
Shpresa për drejtësi për 4 viktimat e 21 janarit 2011 ishte venitur, por ky 14-vjetor vjen ndryshe: me dosjen në duart e SPAK. Familjarët e viktimave të 21 janarit tashmë sytë i kanë te SPAK që ka nisur hetimet për një prej ngjarjeve më të rënda në vendin tonë, ku 4 protestues të pafajshëm u vranë me plumbat e shtetit gjatë qeverisjes së Sali Berishës.
Vendimi i Gjykatës së Strasburgut që e quajti qartë krim shtetëror i hapi rrugë hetimeve nga SPAK, duke regjistruar procedimin penal me datë 15 korrik 2024, edhe pas një vendimi të Gjykatës së Lartë, për 3 vepra penale "Vrasja në rrethana të tjera cilësuese”, e kryer në bashkëpunim, kundër dy ose më shumë personave dhe në mënyrë të rrezikshme për jetën e shumë personave, “Shpërdorim i detyrës”, e kryer në bashkëpunim dhe “Kryerja e veprimeve që pengojnë zbulimin e së vërtetës”, e kryer në bashkëpunim. Tashmë SPAK, ka dosjen në dorë të zbardhë rolin e ish-kryeministrit Sali Berisha, ish-ministrit të Brendshëm Lulzim Bashës, ish-kreut të Gardës Ndrea Prendit e të tjerëve në vrasjen e 4 qytetarëve të pafajshëm.
Kryebashkiaku i Tiranës Erion Veliaj, ka kujtuar sot ngjarjen tragjike të 21 janarit. Përmes një postimi në rrjetet sociale, ai shkruan se 21 janari është një plagë në historinë tonë.
'Të paharruar! 21 Janari është një plagë në historinë tonë, por edhe një thirrje për drejtësi e llogaridhënie. Sot kujtojmë ata që humbën jetën duke kërkuar një Shqipëri më të drejtë e më demokratike', shkruan ai.
Erion Braçe ka reaguar në rrjete sociale lidhur me 14-vjetorin e ngjarjes së 21 janarit, ku gjatë protestës së opozitës në atë kohë, u vranë në bulevard para kryeministrisë 4 protestues të pafajshëm nga pushteti i Berishës.
Deklarata e Braçes për 21 janarin është një thirrje e fuqishme për drejtësi dhe kujtesë historike, që thekson tragjedinë e asaj dite dhe përgjegjësinë e institucioneve për të ndriçuar të vërtetën dhe për të dhënë drejtësi. Në 14 vite pas ngjarjes, kërkesa për hetim dhe gjykim të drejtë mbetet ende një plagë e hapur në shoqërinë shqiptare.
'Shikoni, të vjedhësh është një gjë-kriminale doemos;
POR TË VRASËSH PËR TË VJEDHUR, DUKE VJEDHUR,
PËR TË MBROJTUR VJEDHJEN E VETEN, ËSHTË TMERR, TMERR!', thotë Braçe.
Mesazhi i Braçes nënvizon faktin se drejtësia nuk është hakmarrje, por një detyrim moral dhe ligjor për të respektuar jetët e humbura të Ziver Veizit, Hekuran Dedës, Faik Myrtajt dhe Aleks Nikës. Tragjedia e 21 janarit mbetet një pikë kritike për demokracinë dhe shtetin e së drejtës në Shqipëri.
'Çdo thirrje për DREJTËSI, nuk është thirrje për HAKMARRJE;
As këto proceset e tjera, me e pa lidhje me ngjarjen, por me të njëjtin pushtet kriminal, NUK JANË HAKMARRJE;
NUK KA KUSH HAK PËR TË MARRæ, sidomos mes politikanësh; DUHET DREJTËSI, VETEM KAQ!', theksoi deputeti socialist.
“Drejtësia nuk duhet të jetë privilegj, por themeli i çdo sistemi”, thotë Braçe, duke theksuar se vetëm përmes drejtësisë mund të ndreqet një padrejtësi e tillë historike.
'Jetët e ZIVER VEIZIT, HEKURAN DEDËS, FAIK MYRTAJT, ALEKS NIKËS, NUK KËMBEHEN ME ASGJË, ASNJË HAK;
DUHET DREJTËSI, KAQ!' përfundon Erion Braçe.
Komente
Lajme të tjera
-
Tiranë/ 14 vite nga vrasjet e 21 janarit! Familjarët: Ekzekutorët e atij krimi shtetëror nuk janë dënuar ende! Lule dhe në bulevardin 'Dëshmorët e Kombit'
21 Janar, 09:48 -
Mori kompetencat e Komisionerit Publik, Dumani paraqitet në KPA për të shqyrtuar çështjen e prokurorit Valentin Preçi
21 Janar, 09:31 -
14 vite nga krimi shtetëror i 21 janarit! Dosja në duart e SPAK, do zbardhë rolin e Berishës dhe Bashës! Provat e Strasburgut që rihapën hetimet
21 Janar, 07:07 -
Jakin Marena: Berisha nën hetim për ‘21 janarin’, testi për fuqinë e SPAK
20 Janar, 19:21
-
Nesër 14-vjetori i krimit shtetëror, Balla kërkon drejtësi për 21 Janarin: Berisha, urdhëruesi politik i vrasjeve në bulevard, e pranoi edhe vetë! (VIDEO)
20 Janar, 16:28 -
‘Xibraka’/ SPAK rrëzon sërish Sali Berishën: S’ka kallëzim nga ‘anonimi’ Zaho Koka për Olsi Ramën
20 Janar, 16:23 -
'Jemi 14 vite me vonesë në mbledhjen e provave', gazetari Mahmutaj: Vetë Berisha tha, më 21 janar 'do kisha vrarë jo 4 por 4 mijë'! Nuk i ka mohuar urdhrat për vrasje
20 Janar, 14:07 -
Inceneratori i Tiranës/ GJKKO shtyn seancën për shqyrtimin në themel të të pandehurve, shkak mugesa e prokurorit
20 Janar, 13:53 -
Kreu i SPAK: Po bëhen veprime të shumta hetimore për '21 Janarin'! Pasi të grumbullohen provat, ballafaqimi! Përgjimet e SkyECC? Dumani: Nëse kemi prova godasim çdo politikan
20 Janar, 12:43 -
A do shkojë në SPAK nëse thirret për 21 Janar? Berisha hesht e sulmon SPAK: Institucion politik, komandohet nga Rama
20 Janar, 12:30 -
Hiqet tumori epidural te një paciente 24-vjeçare, realizohet me sukses ndërhyrja e vështirë në QSUT
20 Janar, 11:46 -
Zgjedhjet e 11 majit/ Kryeministri Rama takim me drejtuesit politik të qarqeve
20 Janar, 11:09
Drejtesia e vonuar eshte drejtesi e munguar thote populli. Turp per ty personalisht per kete drejtesi te munguar. 21 Janari eshte krim shteterore dhe duhet te behej ligj I vecante qe kur erdhe ne pushtet per te nxjerr fajtoret para drejtesise. Eshte e turpshme qe SPAK qe ti mburesh se e bere vet kerkon gjelperen ne kashte kur vjen puna me Lali Erin dhe nuk sheh provat uluritse te 4 te vrareve dhe 30 te plagosureve me arme zjarri. Ka vetem nje shpjegim, drejtesi do behet kur te vdes Saliu. Nga ty sic ke thene dhe vet duhet me qindra vjet te behet shtet.
Përgjigju