14-vjeçari u zhduk teksa peshkonte në lumin Seman, banorët: 10 vite më parë familjes iu mbyt një fëmijë, janë në gjendje të vështirë ekonomike

 

Banorët e zonës, ku është zhdukur 14-vjeçari që po peshkonte në lumin Seman, kanë folur për Report Tv. Ata pohojnë se kësaj familjeje rreth 10 vite më parë u është mbytur një tjetër fëmijë. Ndërsa shprehen se janë në kushte shumë të vështira ekonomike. Ata thonë se u është ndërprerë ndihma ekonomike, ndërsa i bëjnë thirrje shtetit që t’ua rikthejnë sërish pasi kjo familje e ka shumë të vështirë të siguroj të ardhura, ndërsa edhe i zoti i shtëpisë ka ndërruar jetë.

“Janë shumë fukarenj, hallexhinj, babai i ka lënë, edhe një vëlla iu është mbytur para 10 vitesh. Me ndihëm ekonomike rrojnë, tani ua kanë ndërprerë, kanoçe mbledhin. Janë me kemp. Djali ishte shumë çun i mirë. Kur e morëm vesh mbrëmë erdhëm. E shikoja këtej, gjuante peshk. Se kanë gjetur ende.

Familje e mirë, e ndershme, fukarenj. Ai çuni pati punuar tek unë disa ditë më parë. Djalë i mirë, i zgjuar, punëtor. Ka qenë duke zënë peshk. Edhe ai si puna e këtij, aksidentalisht. Shteti të vë dorë te kjo familje, se në këtë zonë është familja më e varfër. Nuk ngopin barkun me bukë, kanë marrë ndihmë më para, por tani nuk marrin”, shprehen banorët e zonës.


Lajmi kryesor:

Gjendet trupi i pajetë i 14-vjeçarit në Lumin Seman! Të njëjtës familje 10 vite më parë iu mbyt një fëmijë, jetonin në kushte ekstreme


SI.E./KT/Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

NBA/ Surprizë në parket, humbasin Boston dhe Milwaukee! Atlanta fiton me një pikë më shumë

NBA/ Surprizë në parket, humbasin Boston dhe Milwaukee! Atlanta fiton me një pikë më shumë