15 milionë makina elektrike do shihen në rrugët e Gjermanisë deri në vitin 2030, Scholz: Konkurenca duhet të na nxisë, jo të na trembë

Kancelari gjerman, Olaf Scholz, ka deklaruar se Gjermania po i qëndron objektivit për të nxjerrë në rrugë 15 milionë makina elektrike deri në vitin 2030.

Në fjalimin e tij të hapjes në Panairin Ndërkombëtar të Makinave në Mynih (IAA), Scholz u bëri thirrje prodhuesve që të ofrojnë makina më të përballueshme.

“Qëllimi nuk është i ri, ajo që është e re është se ne po e zbatojmë atë", tha Scholz.

LEXO EDHE:
Goditet rrjeti i mashtrimeve nëpërmjet Call Center në Europë, zbulohen mbi 10 mijë raste me dëm mbi 10 mln euro! SPAK: Bazë edhe në Tiranë, ja çfarë u sekuestrua

Lidhur me konkurencën nga Kina, e cila ishte shumë e pranishme në IAA, kancelari gjerman me vendosmëri hodhi poshtë çdo frikë se industria gjermane e automjeteve mund të lihet pas, raportojnë mediat e huaja.

“Konkurenca duhet të na nxisë, jo të na trembë”, tha Scholz.

Scholz theksoi se edhe në të kaluarën ka pasur shqetësime për konkurencën nga jashtë, vetëm se në atë kohë ishte për prodhuesit japonezë dhe më vonë koreanë.

“Gjermania ende është pika kryesore e industrisë së automjeteve dhe do të mbetet e tillë”, tha Scholz.

Ai gjithashtu tha: “Ne duhet të lëvizim sa më pak me automjete në mënyrë që të mos dëmtojmë natyrën, si në këtë vend ashtu edhe në mbarë botën”.

S.S/Shqiptarja.com

TAG:
• gjermani
• Olaf Scholz