15 vite Pavarësi e Kosovës, Kurti uron përmes mbledhjes festive: Puna e festa në republikën tonë shkojnë bashkë

Kryeministri i Kosovës, Albin Kurti ka uruar të gjithë qytetarët e Kosovës për 15-vjetorin e pavarësisë së vendit të tyre përmes një mbledhjeje “festive”. Arsyeja se pse kreu i qeverisë së Kosovës zgjodhi ta nisë me një mbledhje ishte për të tejçuar mesazhin se vetëm nëpërmjet punës dhe sakrificës, do të arrihet rritja e pavarësisë por më e rëndësishmja do të arrijë të karakterizojë njerëzit e mirë të Kosovës. Kurti u ndal edhe te detyra që i pret në të ardhmen, ku synim mbeten të rinjtë. Ai tha se synimi janë të rinjtë e Kosovës, për të cilët shpreson që 20-vjetori të vijë me dëshirën e tyre për të zgjedhur Kosovën për një të ardhme më të mirë dhe për një jetë profesionale më të plotë.

“Puna e festa për republikën tonë duhet të shkojnë gjithnjë baske. Pavarësia u arrit përmes mundit dhe sakrificës por pavarësia jonë do të rritet vetëm përmes punës. Vetëm përmes punës dhe sakrificës e cila i karakterizon njerëzit e mirë të Kosovës. Ata punojnë këtu por edhe jashtë vendit, ku kushtet janë më të mira.

LEXO EDHE:
Anëtarësimi/ Çështja e Kosovës nuk është në rendin e ditës së Këshillit të Ministrave të KiE

Detyra jonë kryesore është që kur të vijë 20-vjetori të jenë shtuar dhe shumëfishuar arsyet që të rejat e të rinjtë të mund të zgjedhin Kosovën për një të ardhme profesionale të plotë e për një jetë më të mirë.”- tha Kurti në mbledhjen e qeverisë.

Lajmi kryesor:

Kosova sot 15 vjet shtet i pavarur! Ish luftëtarët e UÇK ‘festojnë’ në Hagë! Kuvendi seancë solemne! Mban fjalën dhe presidenti Bajram Begaj

G.MO/Shqiptarja.com

TAG:
• pavaresia e kosoves
• kosove