POP 5

Lajmet më të lexuara të 5 minutave të fundit

Sociale

150 familje në Patos furnizohen me ujë të ndotur, banorët: Paguajmë faturat kot, e rrezikshme për t’u larë  

Në Kuqar të Patosit rreth 150 familje furnizohen nga ujësjellësi me ujë të ndotur. Ata thanë se uji i pijshëm përzihet me mbetje të naftës, tepër të rrezikshme për shëndetin e tyre

Në fshatin naftëmbajtës të Kuqarit në Patos, rreth 150 familje furnizohen nga ujësjellësi me ujë të ndotur.

Banorët thanë se paguajnë çdo muaj faturat e ujit të pijshëm, por në çezma u shkon uje me mbetje nafte.

“Bëri bashkia një depo atje lart, por uji është i pistë, vetëm për të larë se nuk bën për të pirë. Na kanë vënë sahate! Por nuk është ujë i pijshëm, blejmë tek boti për të pirë”.  Uji vjen një herë në ditë, me orar por nuk është I pijshëm, është i ndotur me sere, me naftë.- tha ai.

Depoja e ujit në kodër të fshatit nuk është pastruar prej vitesh, ndërsa tubacionet e rrjetit shpërndarës janë tejet të amortizuar, ndaj bashkë me ujin transportojnë dhe mbetje të dëmshme nafte.

 “Ka një depo atje lart, është e mbushur me mbetje se kanë pastruar fare. Për ujë kemi vuajtur shumë ne, e blejmë ujin e pijshëm. Sahatet i kanë vënë por nuk e përdorim dot ujin as për banjo. Asnjë investim, vetëm sahatet i ka vënë bashkia për të marrë leket”.- vijoi banori.

Ata presin investime nga bashkia e Patosit për të ndërtuar një ujësjellës të ri, premtim i pa mbajtur ndër vite.

 “Kryetarja e bashkisë dhe deputete të zones u kemi thënë se uji vjen me ndryshk sepse janë tubacionet e puseve të naftës dhe ato tubacione kanë mbetur. Jemi ankuar por asnjëherë nuk kanë investuar. Na gënjejnë sikur jemi fëmijë, pse gatuhet me këtë ujë?- vazhduan ata.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

26 Dhjetor, 07:36