POP 5

Lajmet më të lexuara të 5 minutave të fundit

Sport

17 ditët e Lojërave Olimpike/ 11 mijë atletë garuan në 48 disiplina, SHBA e para për numër medaljesh! Polemika për lumin Sena dhe transgjinoret

Pas 17 ditëve, të dielën u mbyllën me një ceremoni madhështore Lojërat Olimpike të Paris 2024, ku garuan afërsisht 11 mijë atletë në 32 sporte të ndryshme. Amerika ia doli të mbajë vendin e parë për numër medaljesh

17 ditët e Lojërave Olimpike/ 11 mijë atletë garuan në 48 disiplina, SHBA e para për numër medaljesh! Polemika për lumin Sena dhe transgjinoret

Stadiumi i lojërave pranë 'Eiffel Tower'

Me një ceremoni madhështore, ashtu siç nisi por vetem se këtë herë në stadiumin ‘Stade De France’, u mbyllën në Paris Lojërat Olimpike të 33-at, që u mbajtën në kryeqytetin francez nga 26 korriku deri më 11 gusht. Në total morën pjesë 206 shtete, përfshirë vendin neutral që garonin sportistët rus, por edhe ekipin e refugjatëve, ndërsa mbi 10 mijë e 700 atletët garuan në 32 sporte dhe 48 disiplina gjithsej.

Në fund skenën në cerominë mbyllëse e rrëmbeu aktori Tom Cruise, i cili zbriti nga çatia e stadiumit për të mbledhur flamurin Olimpik, si pjesë e protokollit të dorëzimit të tij për qytetin amerikan të Los Anxhelosit ku do mbahen Lojërat Olimpike të 2028. Pjesë e performancës ishin edhe këngëtarët Red Hot Peppers, Billie Eilish, Snoop Dogg dhe Doctor Dre.

Amerika ishte gjithashtu shteti që u rendit i pari për numër medaljesh në Paris edhe pse të arta kishte 40, po aq sa Kina e vendit të dytë. Megjithatë Shtetet e Bashkuara të Amerikës fituan në total 126 medalje, 35 më shumë se Kina, ndërsa në podium u ngjit edhe Japonia me 20 të arta dhe 45 medalje gjithsej. Pjesë e këtyre Lojërave në Paris, për herë të 10 në histori, ishte edhe Shqipëria, që u rendit e 80 nga 206 vende edhe pse garoi me vetëm 8 sportistë.

Përveç garës së jashtëzakonshme sportive, Lojërat Olimpike në Paris do mbetet në memorie edhe për polemikat e mëdha, fillimisht me pastërtinë e lumit Sena, por edhe për pjesmarrjen e sportisteve transgjinore, të cilat u bënë temë diskutimi për shumë ditë. Megjithatë në fund shumë shtete kanë komplimentuar Francën për organizimin e shkëlqyer dhe nderimin që i bënë flakës olimpike.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10