Kur kanë kaluar 17 vite nga sulmet terroriste të 11 shtatorit ndaj Kullave Binjake në New York të SHBA-ve, flet për herë të parë nëna e ish-kryeterroristit të vrarë, Osama Bin Laden. Alia Ghanem, e cila jeton me familjen e saj në Arabinë Saudite, ka thënë për The Guardian se shefi i al-Qaedës ishte një "fëmijë shumë i mirë, por u radikalizua në universitet rreth moshës 20-vjeç".
Ghanem, aktualisht rreth moshës 70-vjeçe, zbuloi se Osama u bë "njeri i ndryshëm" në Universitet dhe se ajo kurrë nuk e kishte menduar se ai do bëhej i tillë, nga një njeri i ndrojtur dhe i devotshëm për studime, do vazhdonte të bëhej një xhihadist i aftë për orkestrimin e sulmeve shkatërruese që vranë mijëra në Nju Jork në vitin 2001. Ajo mban në dhomën e saj fotografinë e të birit, Osama, i veshur si luftëtar.
"Ai ishte njeri shumë i drejtë. Shkonte shumë mirë në shkollë. I pëlqente të studionte. I shpenzoi të gjitha paratë e tij në Afganistan - ku do të fshihej nën maskën e biznesit familjar. A dyshoja ndonjëherë ajo se ai mund të bëhej xhihadist? Kurrë s'e kisha menduar në mendjen time. Si u ndjeva kur e kuptova se kush ishte ai? Ishim jashtëzakonisht të mërzitur. Unë nuk doja që kjo të ndodhte. Pse ai duhej të shkonte kaq larg?
Alia Ghanem, nëna e Osama Bin Laden
(Me rreth të kuq Osama Bin Laden gjatë një vizite studentore në Suedi në vitin 1971)
Familjarët rrëfejnë se ata e panë për herë të fundit Osama-n në Afganistan në vitin 1999, vit në të cilin ata e vizituan atë dy herë në bazën e tij jashtë Kandaharit. "Ishte një vend pranë aeroportit që e kishin zënë pas largimit të rusëve", thotë Ghanem. "Ai ishte shumë i lumtur që na priste", thotë e ëma e tij.
Vëllai i Bin Laden rrëfen raportin e ngushtë të nënës me Osama-n, e cila nuk donte ta fajësonte atë për atë që i kishte bërë rendit botëror në 2001.
"Ka kaluar 17 vjet [që nga 11 shtatori] dhe ajo mohon gjithçka për Osamën", thotë Ahmedi. "Ajo e donte aq shumë dhe nuk pranonte ta fajësonte atë. Në vend të kësaj, ajo fajëson ata përreth tij. Ajo njeh vetëm anën e mirë të djalit, anën që pamë të gjithë. Ajo kurrë nuk e mori vesh anën xhihadiste.
Ahmad, vëllai i Osama Bin Laden
(Nëna dhe vëllai i Osama Bin Laden, Alia Ghanem dhe Ahmad)
"Isha i tronditur, i habitur", thotë ai pas lajmeve nga Nju Jorku mëngjesin e 11 shtatorit. "Ishte një ndjenjë shumë e çuditshme. Ne e dinim që në fillim [se ishte Osama], brenda 48 orëve të para. Nga më të rinjtë tek më të moshuarit, ne të gjithë u ndjemë të turpëruar prej tij. Ne e dinim që të gjithë do të përballeshim me pasoja të tmerrshme. Familja jonë që ishte jashtë vendit u kthye në Arabinë Saudite. Ata ishin shpërndarë nëpër Siri, Liban, Egjipt dhe Evropë. Në Arabi na ishte ndaluar dalja jashtë vendit. Kishte kontrollt të fortë mbi familjen tonë". Gati dy dekada, Bin Ladenët nuk mund të lëvizin relativisht lirisht brenda dhe jashtë mbretërisë.
Vrasja e Osama Bin Laden
Osama u qëllua për vdekje nga një ekip special i Marinës së SHBA në Pakistan në vitin 2011 dhe djali i tij, Hamza, i cili xhihadistët e kanë përshëndetur si ‘trashëgimtar’ në udhëheqjen e al-Qaedës, vitin e kaluar i bëri thirrje myslimanëve në mbarë botën për të nisur sulme terroriste hakmarrëse në SHBA.
Familja tani ndodhet në një rezidencë në Jeddah, qytetin arab të Arabisë Saudite që ka qenë shtëpi e klanit Bin Laden ndër breza. Ata mbeten një nga familjet më të pasura të mbretërisë: perandoria e tyre e ndërtimit ngriti pjesën më të madhe të Arabisë Saudite moderne./The Guardian/
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45
