POP 5

Lajmet më të lexuara të 5 minutave të fundit

Politikë

18 vite nga vdekja e mbretëreshës/ Rama: Geraldina, përfaqësuesja e hijshme në sytë e botës e imazhit të një Shqipërie të panjohur! Jetoi një jetë aspak përrallore

Në 18-vjetorin e vdekjes, kryeministri Edi Rama i ka kushtuar disa fjalë mbretëreshës Geraldinë. Rama flet me superlativa për mbretëreshën, të cilën krahason me mbretëresaht e filmave, një priceshë e rënë nga qielli, e quan ai.

18 vite nga vdekja e mbretëreshës/ Rama: Geraldina, përfaqësuesja e hijshme në sytë e botës e imazhit të një Shqipërie të panjohur! Jetoi një jetë aspak përrallore

Mbretëresha Geraldinë

TIRANË- Në 18-vjetorin e vdekjes, kryeministri Edi Rama i ka kushtuar disa fjalë mbretëreshës Geraldinë. Rama flet me superlativa për mbretëreshën, të cilën krahason me mbretëresaht e filmave, një priceshë e rënë nga qielli, e quan ai.

"Geraldina e shqiptarëve ishte një mbretëreshë si ato në përralla, një princeshë e rënë nga qielli në një hon prej ku e nxorri matanë vetëm fundi. "En ma fin est mon commencement” - Tek fundi im është ripërtërtja ime - ishte motoja paramortore e të famshmes Mary Stuart, mbretëresha e Albanisë antike, Skocisë, e cila aq shumë do t'i shkonte si titull kujtimit të Geraldinës së Shqiptarëve.

Konteshë e lindur në splendorin perandorak të monarkisë habsburgase, me një gen të shpenguar e liridashës amerikan prej së ëmës, bukuroshja magjepsëse e dinastisë së Trëndafilit të Bardhë të Budapestit, ra në krahët e monarkut ekstravagant të Shqipërisë dhe i solli shtetit 25 vjeçar shqiptar, letrat e munguara të fisnikërisë. Nëse fati është jeta dhe jetët janë fate, Geraldina e Shqiptarëve iu nënshtrua parashkrimit të jetës së saj si një fat nopran deri në dhimbje, duke i dhënë dinjitet edhe në honin më të thellë ku fati e flaku, misionit të saj kundrejt një populli të huaj që e birësoi si nënë, si vajzë dhe si sovrane. Ky mision, në sytë e besimtares së devotshme që ajo ishte, nisi me bujën e madhe të një martese përrallash, u zhvillua në dekada të tëra heshtjeje si një zhgjëndërr sfilitëse prapa diellit dhe u mbyll, bashkë me sytë melankolikë të mbretëreshës së rënë nga vakti, në tokën e mohuar për së gjalli.

Geraldina e Shqiptarëve nuk qe vetëm bashkëshortja e një mbreti. Ajo ishte “Geraldina Regina”, përfaqësuesja e hijshme në sytë e botës e imazhit të një Shqipërie të panjohur, qoftë kryekreje kur bota na shihte si një kënd plot pluhur të një perandorie të perënduar, qoftë më pas, kur për botën Shqipëria ishte bunkeri i një sekti të marrësh stalinistë dy hapa larg Perëndimit.

Geraldina ishte “Regina”, nuk e mbretëroi Shqipërinë por e la zemrën, mendjen dhe gjithë jetën e saj të mbretërohej nga Shqipëria dhe për këtë ajo meriton të kujtohet sot, në përvjetorin e ndarjes së saj nga jeta aspak përrallore, dhe përgjithmonë si ato përrallat e fëmijërisë sonë me mbretër e me princesha, ku princesha është gjithnjë pjesa më tërheqëse e rrëfimit", shkruan Rama.

E veçanta është se në 18-vjetorin e vdekjes, princi Leka dhe Elia Zaharia janë bërë prindër për herë të parë me një vajzë dhe emrin ia vendosën Geraldina.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08