POP 5

Lajmet më të lexuara të 5 minutave të fundit

Bota

19 vjet nga sulmet e 11 shtatorit në SHBA! Ngjarja që tronditi botën përkujtohet sot në masa të shumta sigurie (VIDEO)

Sot bëhen 19 vjet që nga sulmet e 11 shtatorit në SHBA dhe në qytetin e Neë Yorkut do të zhvillohet ceremonia vjetore e përkujtimit e rreth tre mijë personave, që humbën jetën në ngjarjen më të madhe terroriste në historinë e SHBA-ve. Një minut heshtje do të mbahet në kohën e saktë kur xhihadistët e Al-Kaidës sulmuan kullat e Qendrës Botërore të Tregtisë.

Kambanat do të bien sërish për të nëntëmbëdhjetën herë në nderim të 2977 viktimave të11 Shtatorit, 19 vite pas sulmit më të madh terrorist në historinë e Amerikës, ndërkohë që vendi përballet me pandeminë e shkaktuar nga Covid-19 . Një minutë heshtje do të mbahet në kohën e saktë kur xhihadistët e Al-Kaidës sulmuan me dy aeroplanë, kullat e Qendrës Botërore të Tregtisë.

Turmat e mëdha të njerëzve nuk do të jenë më të pranishme, përveç spikerve të cilët do të lexojnë edhe njëherë emrat e atyre të cilët humbën jetën në vitin 2001.

Instalacionet me  dezinfektues të duarve  dhe maskat të kujtojnë se pandemia e COVID ndryshon edhe në momentet më solemne.

Familjarët do të mund të jenë të pranishëm në memorial dhe të dëgjojnë emrat e të dashurve të tyre të lexohen me zë të lartë, pasi grupet do të shpërndahen në mënyrë të sigurt në tetë hektarët e sheshit. 

Për publikun është përcaktuar që mund të vizitojnë memorialin nga ora 3 pasdite deri në mesnatë, megjithëse autoritetet kanë bërë thirrje kundër turmave .

 Zëvendëspresidenti Mike Pence pritet të jetë i pranishëm në ceremonitë përkujtimore që do të mbahen në qytet. Kandidati demokrat Joe Biden dhe gruaja e tij Jill po ashtu edhe presidenti Donald Trump do të vizitojnë Memorialin Kombëtar në orare të ndryshme.

Memoriali do të rihapet pas gjashtë muaj mbyllje dhe ceremonia do të jetë live në internet për një orë e gjysmë.

Rendit zhvillimet sipas orarit:
Ora 18:19
Nisin përkujtimet e 19 vjetorit të sulmeve të 11 shtatorit në SHBA

 

Këmbanat u dëgjuan sërish për të 19 herë në nder të viktimave të sulmeve të 11 shtatorit, këtë vit larg ceremonive të mëdha për shkak të masave parandaluese për shkak të covid 19.

Tingujt e këmbanave ranë sërish…. për t’u kujtuar edhe njëherë amerikanëve heroizmin e të rënëve në sulmet e 11 shtatorit, për të sjell edhe njëherë në mendje dhimbjen për plagët që nuk u mbyllën kurrë.

Të mbledhur të gjithë së bashku në Memorialin ‘Flight 93’, vendi ku avioni i katërt i planifikuar për sulmin terrorist u përplas duke shkaktuar vdekjen e 40 anëtarëve të ekuipazhit dhe pasagjerëve por duke shpëtuar vendin nga një sulm tjetër vdekjeprurës.

I pranishëm në ceremoninë përkujtimore ishte edhe presidenti amerikan Donald Trump, i cili në cdo fjalë të tij vlerësoi heronjtë që sipas tij arritën të bashkojnë të gjithë amerikanët pa dallim besimi.

 “Çdo zemër në SHBA  është e bashkuar me ju, dhimbja dhe zija që mbani ju është e shpërndarë në të gjithë kombin, kujtimi I të dashurve tuaj do të inspirojë të gjithë brezat në vazhdim. heronjtë e fluturimit 93 janë shembull të cilët na tregojnë se pavarësisht kërcënimit, rrezikut amerika do të ngrihet, do të qëndrojë e fortë dhe do të luftojë” 

Në sulmet e 11 Shtatorit 2001, humbën jetën 2977 persona dhe u plagosën më shumë se 25 000. ceremonia këtë vit ishte shumë larg asaj të zakonshmes për shkak të masave kundër Covid-19.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19