POP 5

Lajmet më të lexuara të 5 minutave të fundit

Sociale

2 muaj pa marrë pagat, 70 punonjëse të fasonerisë në Fier sërish në protestë! Përfaqësuesi i sindikatës: Do e hedhim pronarin në gjyq

70 gra punonjëse të një fasonerie në Fier protestuan sërish sot kundër kompanisë turke e cila ka 2 muaj që nuk u ka dhënë pagat. Përfaqësuesi i Sindikatës së Punëtorëve tha se Inspektorati i Punës duhet të ushtrojë kontrolle në këtë kompani.

FIER-  70 gra në Fier, punonjëse të një fasonerie janë larguar padrejtësisht nga puna si dhe nuk janë paguar për dy muajt e fundit. Ato protestuan para kompanisë turke, për herë të dytë brenda pak ditësh.  Punonjëset e fasonersitë thanë se ankesat e tyre nuk janë dëgjuar nga Inspektorati i Punës.

“Do ta kërkojmë më tej dhe në gjykatë do ta hedhim se duam lekët Unë kam 900 mijë lekë pa marrë. Jam pa punë, çuni pa punë, burri pa punë”

“Kam dy muaj që jam shkëputur edhe lekët e shkurtit nuk i kam marrë. Punëtoret e tjera u likujduan, unë lashë punën. Ca i paguante. Ne edhe në mars punuam me orët shtesë dhe nuk i ka dhënë lekët”, thotë një punonjëse

 “Kemi dy muaj dhe 10 ditë pa marrë pagat. Na hodhën në rrugë të madhe pa asnjë arsye, pa asnjë motivacion. Ne jemi mbledhur të gjitha këtu për të drejtat tona. Duam të dimë ku vajtën lekët tona?”

Përfaqësuesi i Sindikatës së Punëtoreve te fasonerive, Alfred Bushi tha se punëdhënësi ka shkelur kodin e punës. Ai kërkoi reagimin e institucioneve.

 “Kompania po sillet në mënyrë arbitrare dhe të padrejtë duke u mohuar rrogën për më shumë se dy muaj. Kjo përveç së është një padrejtësi nga ana e pronarit, që sillet në mënyrë harbute kemi dhe një shtet që është inekzistent për fatin e këtyre punëtorëve. Një pjesë e këtyre punëtorëve kanë punuar pa siguracione. Institucioni, Inspektorati Shtetëror i Punës duhet të ishte i pari që duhet të vinte dhe duhet të merrte në mbrojtje punëtorët, te pezullonte punën dhe duhet të verifikonte dhe të kontrollonte situatën e punëtorëve ku ka një sërë shkeljesh të kodit të punës në raport me 70 gra, 70 familje që nuk marrin rrogën prej dy muajsh dhe nuk kanë kontrata pune”.

Fasoneria e veshjeve “Ozgun Kan Albania” që prodhon këmisha aktualisht funksion me staf të reduktuar, ndërsa punonjësve të larguara nuk u janë dhënë pagat e prapambetura

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri: 23/06/2023 08:43

    Inspektoriati i punes eshte ne shkelje te hapur te misionit te vete. Nuk funksionon si organ

    Përgjigju
  • populli: 19/06/2023 14:24

    deri kur te mari vendimi forme te prere, ka vdek pronari dhen ju bashke me te...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34