POP 5

Lajmet më të lexuara të 5 minutave të fundit

Kronikë

2 vjet Vetting/ Vetëm 3 gjyqtarë e prokurorë të kallëzuar, mbi 100 të larguar

Komisioni i Vetingut për Shqiptarja.com ka thënë se kur konstatojnë elemente të veprës penale i referojmë rastet në Prokurori. Deri më tani janë verifikuar ¼ e gjyqtarëve dhe prokurorëve, nga të cilët mbi 80 janë shkarkuar nga detyra kryesisht për shkak të pasurive të paligjshme, por edhe për lidhjet me krimin dhe vendimet arbitrare, ndërsa kanë dhënë 21 subjekte, për t’i shpëtuar Vetingut.

Në fund të vitit 2017, Komisioni i Pavarur i Kualifikimit, organi bazë i Vetingut, nisi zyrtarisht verifikimin e trefishtë të mbi 800 gjyqtarëve dhe prokurorëve, për ligjshmërinë e pasurive, pastërtinë e figurës dhe aftësisë profesionale. Deri më tani janë verifikuar ¼ e gjyqtarëve dhe prokurorëve, nga të cilët mbi 80 janë shkarkuar nga detyra kryesisht për shkak të pasurive të paligjshme, por edhe për lidhjet me krimin dhe vendimet arbitrare, ndërsa kanë dhënë 21 subjekte, për t’i shpëtuar Vetingut. Që nga fillimi i procesit të rivlerësimit dhe deri më sot, Komisioni i Pavarur i Kualifikimit ka referuar në prokurori vetëm dy raste, ish-anëtarin e Gjykatës Kushtetuese Besnik Imeraj si dhe ish-kryeprokurorin e Tiranës, Petrit Fusha.

“KPK ka referuar pranë organeve kompetente dy raste, ai i z. Besnik Imeraj dhe z. Petrit Fusha. Ju garantojmë se edhe në vijimësi të punës sonë, nëse nga hetimi administrativ për cilindo subjekt rivlerësimi që do të evidentohen elementë të veprës penale, Komisioni, do t’i referojë pranë organeve kompetente sipas legjislacionit në fuqi”, thotë KPK për Shqiptarja.com.

Komisioni i Pavarur i Kualifikimit nisi për të dy subjektet procesin e kontrollit, por ata dhanë dorëheqjen para se të dinin para Komisionit të Vetingut, për t’u njohur me rezultatet e hetimit. Me sa duket, trupat gjykuese të KPK kanë konstatuar paligjshmëri dhe elemente të veprave penale gjatë verifikimit të pasurisë së sy subjekteve, ndaj i kanë referuar materialet në prokurori. Ndërkaq, në prokurori si i pandehur përfundoi edhe ish-anëtari Gjykatës së Lartë, Admir Thanza, për falsifikim të formularit të dekriminalizimit. Thanza kishte fshehur një dënim në Itali për grabitje dyqanesh, fakt i konstatuar nga Komisoni i Pavarur i Kualifikimit. Më pas prokuroria kërkoi 1.6 vite burg për ish-gjyqtarin Thanza, ndërsa gjykata e dënoi me 9 muaj burg, dënim i cili u dënua me 18 muaj shërbim prove. Pra, dy vjet nga veprimi i ligjit të Vetingut, kemi vetëm të dy subjekte të kallëzuara dhe një të dënuar. Ky bilanc negativ ka detyruar Bundestagun gjerman t’i vendosë kusht Shqipërisë ‘fillimin e procedimeve penale kundër gjyqtarëve dhe prokurorëve të cilët nuk u kualifikuan në procesin e Vetingut për shkak të sjelljes së dënueshme” pas çeljes së negociatave.

I gjithë procesi i Vetingut është ndërtuar vetëm për një qëllim: Identifikimin dhe largimit nga sistemi të gjyqtarëve dhe prokurorëve të korruptuar, pa asnjë pasojë penale. Për ndëshkimin e gjyqtarëve dhe prokurorëve të korruptuar janë parashikuar organet e SPAK-ut, të cilat do të veprojnë të pavarura nga Vetingu, ndonëse mund të marrin indicie për të nisur hetime. Madje, Kushtetuta e ndryshuar në korrik të vitit 2016, në pikën 2 të nenit ‘DH’ ndalon përdorimin e provave të gjetura gjatë procesit të Vetingut në një proces penal ndaj gjyqtarit apo prokurorit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 10/10/2019 03:46

    Ne cdo vend te botes do kishte pasur Revolucjon me kohe.

    Përgjigju
    • Taku: 10/10/2019 09:03

      Ska revolucion o sape......se na kane vu ngjume,kane mbjell droge gjithandej qe te pi populli...

  • Pyka: 09/10/2019 23:00

    Hë më ju lumtë!KÇK....!Rroftë banda më e ndyrë e globit!Kokpalari,kokpalarë mbetet...

    Përgjigju
  • Ramazoni: 09/10/2019 22:13

    E bukur kjo e nenit 2......si do i fusin ne burg kto qen?kjo eshte pyetja

    Përgjigju
  • Durresi: 09/10/2019 21:39

    Pika dy e nenit DH jam i sigurte eshte votuar ne menyre unanime ne parlament.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Kosova bëhet me Muze të Gjenocidit dhe Përpjekjes për Liri

Kosova bëhet me Muze të Gjenocidit dhe Përpjekjes për Liri

18 Dhjetor, 13:36