GJIROKASTER- Kishte kultivuar hashashin në një parcelë në fshatin e tij në Panahor të Ballshit dhe më pas do ta trafikonte në Athinë.

Mbrëmjen e djeshme 20 vjeçari Mehmet Rrapaj ka tentuar të kalonte pikën kufitare të Kakavijës me 41 kg mariuanë por është pikasur nga policia.

Rrapaj kishte fshehur lëndën narkotike të ndarë në 39 pako në dyshemenë e makinës, tip Seat me targa AA 578 HL, bën të ditur policia e Gjirokastrës.  

Gjatë kontrollit nga policia kufitare, në pikën kufitare të Kakavijës është gjetur dhe lënda narkotike si dhe janë vënë prangat 20-vjeçarit për akuzën e kultivimit dhe trafikimit të lëndës narkotike.

Redaksia online
(sg/shqiptarja.com)