200 gr tritol në derë, detaje të reja nga vendosja e pakos me eksploziv në lokalin në Vlorë

Një ditë pas ngjarjes së rëndë, ku një biznesi bar-kafe në qytetin e Vlorës iu vendos gjatë natës një sasi prej 200 gram tritoli, detaje të reja kanë dalë nga vendosja e lëndës shpërthyese në derën e lokalit të Adriatik Brahimaj rreth orës 3 të mëngjesit të së enjtes.

Sipas burimeve për Shqiptarja. com  mësohet se kanë qenë 4 persona me një automjet që kanë kaluar në atë zonë në kohën e ndodhjes së ngjarjes ndërkohë që dyshimet paraprake për së automjeti ka qenë më targa të falsifikuara.  Sipas burimeve nga automjeti kanë zbritur dy persona të kamufluar të cilët kanë vendosur lendën plasëse . Burime për shqiptarja. com bëjnë të ditur se lënda eksplozive tritol ka qenë me fitil dhe ai nuk është ndezur për shkak se ka patur lagështirë që nuk ka bërë shpërthimin.

Në derën kryesore të një lokali, në Vlorë u gjet orët e para të mëngjesit të kësaj të enjte një pako me eksploziv. Sipas ekspertëve  të policisë në pakon  që ishte vendosur në lokalin e ndodhur në lagjen “Pavarësia”, në vlorë  gjendej rreth 200 gramë tritol.

TAG:
• Vlore
• tritol ne vlore
• Adriatik Brahimaj