POP 5

Lajmet më të lexuara të 5 minutave të fundit

Kronikë

2020 mbyllet pa Gjykatë të Lartë, KLGJ për Report Tv: Nuk varet vetëm nga ne, procesi kompleks, ja çfarë kemi bërë

Nga 46 kandidat të cilët kanë aplikuar për Gjykatën e Lartë nga radhët e juristëve të shquar dhe gjyqtarëve deri më tani vetëm 2 prej tyre janë kualifikuar për fazën e emërimit. Në një përgjigje për ReportTv për ecurinë e plotësimit të 16 vakancave, KLGJ thotë se 6 gjyqtarë janë në pritje të vettingut dhe shumica e juristëve janë tërhequr nga gara. KLGJ ende nuk ka një afat se kur plotësohen vakancat por viti 2020 do të mbyllet pa një Gjykatë të Lartë të kompletuar.

Viti 2020 do të mbyllet pa plotësimin e Gjykatës së Lartë. Në përgjigje të interesit të Report Tv se çfarë ndodh me 16 vakancat në Gjykatën e Lartë, KLGj thotë se deri më tani janë kualifikuar pët të vazhduar garën vetëm Dariel Sina nga radhët e jursitëve dhe gjyqtarja Saida Dollani.

Sipas KLGj Sina është kualifikuar me vendim 13 nëntor 2020 dhe ndodhet në fazën e vlersimit dhe pikëzimit. Ndërsa Saida Dollani e cila kandidon për 3 pozicione të fushës penale dhe prej datës 10 dhjetor ajo është në fazën e verifikimit të kritereve ligjore.

Tek vakancat nga radhët e juristëve KLGJ shprehet se nga 23 kandidat kanë mbetur në garë vetëm 4 prej tyre pasi 19 të tjerë janë tërhequr ose janë skualifikuar.

23 kandidatë në garë për vakancat nga radhët e gjyqtarëve ende s'kanë marrë dritën jeshile për të vazhduar në fazën e dytë pasi 6 kolegë të tyre ende s'kanë marrë certifikimin e formës së prerë nga vetting, kusht për tu bërë gjyqtarë i lartë.

Qeverisja e gjyqësorit sqaron se 2 kandidatë janë tërhequr nga gara, 15 kandidatë janë kualifikuar me vendim të formës së prerë të vettingut, 1 gjyqtar është në pritje të daljes në vetting, 4 janë në proces rivlersimi.

Edhe 5 muaj pas pyetjes së kreut të Kuvendit se kur nisin emërimet në Gjykatën e Lartë, KLGJ sërish se ka një afat.

Të njëjtën pyetje bëri edhe Report Tv nëse ka një afat për plotësimin e 16 vakancave, por KLGJ thotë se do të bëjë maksimumin por s'mund të japë një afat pasi është proces kompleks me përfshirjen e shumë institucioneve.

Gjykata e Lartë përbëhet nga 19 gjyqtarë ku aktualisht ka 3 gjyqtarë dhe duhet të shtohen edhe 16 e më pas tre prej tyre të kalojnë në Gjylatën Kushtetuese.

( Kliko këtu) Përgjigja e KLGJ për Report TV lidhur me Gjykatën e Lartë

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56