POP 5

Lajmet më të lexuara të 5 minutave të fundit

Arkiva

21 janar, Berisha braktis
Tiranën për Lushnjen

Kryeministri Sali Berisha nuk do të jetë në Tiranë në datën 21 janar, por do të jetë në qytetin e Lushnjes, për të marrë pjesë në ceremonitë e festimeve që organizon bashkia e këtij qyteti, në kuadër të 92 vjetorit të Kongresit të Lushnjes.  Lajmi konfirmohet për “shqiptarja.com” nga vetë kryetari i bashkisë së Lushnjes Fatos Tushe. Që prej një jave në qytetin e Lushnjes kanë nisur shumë organizime, sidomos me nxënës të shkollave 9-vjeçare dhe të mesme në qytet, por edhe aktivitete të tjera kulturore.
21 janar, Berisha braktis <br />Tiranën për Lushnjen
LUSHNJE - Kryeministri Sali Berisha nuk do të jetë në Tiranë në datën 21 janar, por do të jetë në qytetin e Lushnjes, për të marrë pjesë në ceremonitë e festimeve që organizon bashkia e këtij qyteti, në kuadër të 92 vjetorit të Kongresit të Lushnjes.
Lajmi konfirmohet për “shqiptarja.com” nga vetë kryetari i bashkisë së Lushnjes Fatos Tushe. Që prej një jave në qytetin e Lushnjes kanë nisur shumë organizime, sidomos me nxënës të shkollave 9-vjeçare dhe të mesme në qytet, por edhe aktivitete të tjera kulturore.
Lajmi për vizitën e kryeministrit Sali Berisha në qytetin e Lushnjes konfirmohet edhe nga zyra e shtypit në Këshillin e Ministrave. Por si rrallë ndonjëherë më parë, interesimi i kryeministrit për të qenë në Lushnje në 21 janar, ka nisur që në ditët e para të këtij viti, ende pa u zbehur entuziazmi i festave të fundvitit. Ndërkohë në Tiranë, opozita do të ketë homazhe për 1 vjetorin e vrasjes së katër protestuesve, në Bulevardin Dëshmorët e Kombit.
Fatos Tushe, kryetar i Bashkisë së Lushnjes, do të jetë në krye të ceremonive, madje do të presë edhe kryeministrin Sali Berisha për aktivitetet.

Zoti Tushe, cilat janë aktivitetet që ka planifikuar bashkia e Lushnjes në kuadër të 92 vjetorit të kongresit?
Si çdo vit edhe këtë vit, do të ketë ceremoni, por ndryshe nga herët e tjera, ato kanë një javë që kanë filluar e sidomos në shkolla. Ndërkohë këtë radhë është angazhuar edhe ministria e Kulturës.

Kur e morët vesh ju se do të vinte kryeministri Berisha?
Në datën 4 janar më ka marrë në telefon ministri i Kulturës Bumçi për të folur për aktivitetet e kësaj dite. Dhe më vonë më kanë marrë nga kabineti i kryeministrit që më konfirmuan vizitën.  Do të ketë aktivitet që do të zhvillohet në sallën e Teatrit “Vaçe Zela” dhe ndërkaq, një ndër folësit kryesor do të jetë edhe profesor Pëllumb Xhufi, që me këtë rast do të mbajë edhe kumtesën kryesore.

Ministria e kulturës ka ndonjë projekt konkret?
Një ndër projektet është ajo e përfshirjes së shtëpisë së kongresit në objektet e trashëgimnisë kulturore. Megjithatë tek shtëpia janë bërë disa rregullime dhe sistemime. Madje është bërë edhe ndriçimi i godinës.

Ju do e prisni kryeministrin?
Sigurisht, këto janë aktivitete që po bëhen për Kongresin
.
Po nga Partia Socialiste do të ketë përfaqësues?
Unë kam biseduar para tre ditësh edhe me kryetarin e PS Edi Rama kur ai ishte këtu. Dhe kemi rënë dakord që në ceremonitë e asaj dite, do të jenë edhe dy deputetët e qytetit tonë Bashkim Fino dhe Arben Çuko që do t’i bashkohen ceremonive të kongresit.

(ab/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

NATO dhe Ukraina takohen lidhur me raketën e re ruse

NATO dhe Ukraina takohen lidhur me raketën e re ruse

26 Nëntor, 08:23