Deputeti i Partisë Socialiste, Erjon Braçe në një postim të tij në rrjetin social “Facebook” ka bërë një deklaratë të fortë drejt kryebashkiakut dhe kreut të opozitës Lulzim Basha.

Një ditë më vonë pasi Kryeministri Rama e cilësoi si “Kryebashkiakun më kotë që ka pasur Tirana”, Braçe gjithashtu në facebook e etiketon Bashën si "Kryetari me kot i Opozites ne 23 vjet".
 
Por gjithashtu deklaratës së Kryetarit të PD se "kemi qeverinë më antidemokratike ne 23 vjet", deputeti Braçe i bën replikë duke e konsideruar si të vetmin Ministër të Brendshëm që “ka vrare 4 protestues mu ne Bulevardin e Tiranes”.

Braçe nuk ndalet me kaq, deklaron gjithashtu se fakti që “se kemi ndëshkuar ligjërisht” është faj i mazhorancës aktuale.
 
Më poshtë postimi i plotë në “Facebook” i deputetit Braçe
 
“Kur "Kryetari me kot i Opozites ne 23 vjet" thotë, "kemi qeverinë me antidemokratike ne 23 vjet", kupton se:
 
Ka qene ministër i Brendshëm;
 
Ka qene ministri i Brendshëm i vetëm ne fashizëm, komunizëm e demokraci qe ka vrare 4 protestues mu ne Bulevardin e Tiranes!!
 
Se kemi ndëshkuar ligjërisht dhe ky është faj!!
 
Por nuk e kemi harruar ende!!”
 


Redaksia Online
(e.n/shqiptarja.com)